निष्ठावान् भोजराज

भवानी अधिकारी
मंसिर १६, २०७९
Bhoj

स्याङ्जा, १६ मंसिर । स्याङ्जा २ (१) बाट गण्डकी प्रदेश सभा सदस्यमा निर्वाचित कांग्रेसका भोजराज अर्याल निष्ठावान् राजनीतिकर्र्मी हुन् ।
२०४९ सालको स्थानीय निर्वाचनमा तत्कालीन वालिङ गाविस अध्यक्ष र २०५४ सालको दोश्रो स्थानीय निर्वाचनमा वालिङ नगरपालिका प्रमुखमा निर्वाचित भै उनी १० वर्ष जनप्रतिनिधिको भूमिका कुशलतापूर्वक निर्वाह गरेका छन् ।

विज्ञान विषयमा स्नातक उनी २०३६ सालको विद्यार्थी आन्दोलनसम्म स्थानीय दहथुम माविको गणित/विज्ञान शिक्षक थिए । पाकिस्तानका तत्कालीन राष्ट्रपति जुल्फीकार अलिभुट्टोलाई त्यहाको सैनिक सरकारले मृत्युदण्ड दिएपछि नेपालमा चर्केको विद्यार्थी आन्दोलनको स्याङ्जामा यिनै अर्यालले नेतृत्व लिएका थिए ।

कांग्रेसको जिल्ला कार्यसमितिका महत्वपूर्ण जिम्मेवारीमा रही काम गरेका अर्याल कांग्रेस महासमिति सदस्य समेत हुन् । बहुदलको पक्षमा लागे वापत शिक्षकबाट निकालिएका उनको पञ्चायती सरकारले पक्राउ गर्न टाउकाको मूल्य समेत तोकेको थियो ।

प्रजातन्त्रप्रति अटल र कसैसँग सम्झौता नगर्ने भोजराज निर्भीक, हठी र खरो स्वभावका छन् ।

शुक्रबार बिहान सम्पन्न मतगणनामा अर्याल १५ हजार १ सय ६१ मत प्राप्त गरी निर्वाचित भएका हुन् । उनका निकटतम प्रतिस्पर्धी एमालेका मोहन रेग्मीले १२ हजार ४ सय ३१ मत पाएका थिए । दुवैको २ हजार ७ सय ३० मत बढी मतान्तर छ । रेग्मी २०७४ सालमा सांसद निर्वाचित भएका थिए ।

यसैबीच, स्याङ्जा क्षेत्र २ को प्रतिनिधिसभा सदस्यका लागि भएको निर्वाचनमा कांग्रेसका प्रत्यासी धनराज गुरुङको अग्रता कायमै छ । उता, स्याङ्जा २ (२) मा भएको मतगणनामा एमालेका प्रत्यासी डा. बुद्धिमान श्रेष्ठले अग्रता लिएका छन् ।

Related News

सम्बन्धित समाचार

hero news full width