पाेखरामा औद्योगिक व्यापार मेला सुरू

आदर्श समाज सम्वाददाता
मंसिर १६, २०७९
pcci mela news

मेला उद्घाटन गर्दै गण्डकी प्रदेशका कानुन, संचार तथा प्रदेश सभा मामिला मन्त्री विन्दुकुमार थापा । तस्बिरः रुपनारायण ढकाल

पोखरा । राष्ट्रिय औद्योगिक व्यापार मेला शुक्रबारदेखि पोखरामा सुरु भएको छ । पोखरा उद्योग वाणिज्य संघको आयोजनामा १६ देखि २५ मंसिरसम्म नयाँबजारस्थित प्रदर्शनी केन्द्रमा मेला संचालन हुनेछ ।
समृद्धि स्टिल्सको मुख्य प्रायोजन रहेको मेला यसअघि कोरोनाले २ वर्ष छेकिएकोमा अहिले संचालन हुँदा पोखराका उद्योगी व्यवसायी उत्साहित छन् ।

मेला उद्घाटन गर्दै संघका पूर्व अध्यक्ष एवं गण्डकी प्रदेशका कानुन, संचार तथा प्रदेश सभा मामिला मन्त्री विन्दुकुमार थापाले अर्थतन्त्र चलायमान बनाउन मेला सहयोगी हुने बताए । नेपाल उद्योग वाणिज्य महासंघका पूर्व अध्यक्ष आनन्दराज मुल्मीले अर्थमन्त्री र गभर्नरबीचको विद्यमान द्वन्द्वका कारण पनि समस्या थपिन पुगेको बताए । पोखरा महानगरपालिकाका मेयर धनराज आचार्यले पोखराको प्रदर्शनी केन्द्रको विकासमा महानगरले काम गर्ने आश्वासन दिए ।

मेला सुरुआतअघि पोखरामा प्रभातफेरी गरिएको थियो । मेलाका २ सय ५० स्टल राखिएकाे संघका अध्यक्ष पवनकुमार प्रजापतिले जानकारी दिए ।

Related News

सम्बन्धित समाचार

hero news full width