लेखनाथ । वेगनास ताल नजिकै रहेको वेगनासताल बसपार्क सरसफाइका लागि वडा ३१ को कार्यालयले बिहीबारबाट सरसफाइ अभियान थालेको छ ।

बसपार्क धुलो हुने भएपछि वडाले नजिकै रहेको नहरबाट पानी तानेर धुलो पखाल्ने योजनाअनुरुप पानीतान्ने पम्प र पाइप खरिद गरी ट्याक्सी व्यवसायी समितिलाई प्रदान समेत गरेको छ ।

दिनहुँ संयौंको संख्यामा यात्रु आउजाउ गर्ने र फोहोरमैला र दुर्गन्धका कारण स्थानीयको स्वास्थ्यमा समेत प्रतिकूल असर पर्ने देखेर आफूले वडाको तर्फबाट पहल गरेको वडाध्यक्ष ढकनाथ कँडेलले बताए । ट्याक्सी व्यवसायी समितिले उक्त सामानको संरक्षण गर्नुका साथै र बसपार्कमा दिनहुँ पानी हालेर धुलोमैलो पखाल्ने कामलाई निरन्तरता दिने भएको छ ।