पोखरा । नेपालमा भारत, चीन, इटाली, अमेरिकालगायत देशबाट बढी टायर भित्रिन्छ । बर्सेनि १२ अर्ब रुपैयाँभन्दा बढी टायर खरिदमा नेपालले खर्च गर्छ । २०७२ सालमा २३ करोड २९ लाख रुपैयाँको टायर आयात भएको थियो । जुन वर्ष नेपालकै प्रमुख उद्योग गोरखकाली टायर उद्योग पूर्णरुपमा ठप्प भएको घोषणा गरियो । २०७१ चैतदेखि उद्योग ठप्प छ ।
जसका कारण भवनहरु जीर्ण बनेका छन् । मेसिनहरु कवाडीसरह भएका छन् । कर्मचारीहरु बिदा भैसके । पछिल्ला निर्वाचनमा स्थानीय तहदेखि संसदीय निर्वाचनका उम्मेदवारले समेत बन्द उद्योग सञ्चालनको योजना घोषणापत्रमार्फत सार्वजनिक गर्छन् । अहिले पनि सबै उम्मेदवारको घोषणापत्रमा गोरखकाली रबर उद्योग सञ्चालनका एजेन्डा समेटिएकै छन् । तर निर्वाचित भएपछि फर्किएरै हेर्दैनन् ।
जनप्रतिनिधिले चासो नदिए पनि रबर उद्योग चलाउन चिनियाँ टोलीले चासो देखाएको छ । उद्योग सञ्चालनको सम्भाव्यता अध्ययन गर्न टोली गोरखा पुगेको छ । बुधबार उक्त टोलीले अध्ययन गरिसकेको टोलीका नेपाली प्रतिनिधि दिनेश खनालले बताए । अवलोकनसँगै उनीहरुले गोरखा नगरपालिकाका मेयर कृष्ण रानासहित स्थानीय जनप्रतिनिधिसँग पनि छलफल गरेका छन् । सोही टोलीले ४ वर्षअघि पनि उक्त उद्योगको अवलोकन गरेको थियो । टोलीमा झेन जि सेङ, चेन वीङगुओ र काओ सेनकुन छन् । तीमध्ये सरकारी निवृत्त १ जना कर्मचारी र २ जना व्यवसायी हुन् ।
३ सिफ्टमा उद्योग चलाउँदा मासिक ६ हजार थान टायर उत्पादन गर्न सकिने टोलीको निष्कर्ष छ
अध्ययनपछि उनीहरुले केही नयाँ प्रविधि थपेर उद्योग सञ्चालनको सम्भावना रहेको बताएका छन् । ‘उद्योगको अवस्था राम्रो छ । जग्गा र भौगोलिक अवस्थामा समस्या छैन,’ टोलीलाई उदृत गर्दै दोभाषे खनालले भने, ‘केही मेनुअल प्रविधि फेज आउट भैसकेको छ । यसलाई फेर्नुपर्छ । नेपाल सरकारले अनुमति दिए सञ्चालन गर्न सकिन्छ ।’
यसअघि प्राविधिकसहितको सोही टोलीले मर्मत खर्चसहितको रिपोर्ट सरकारलाई बुझाएको थियो । उक्त उद्योग २०४२ सालमा चिनियाँ कम्पनीले नै निर्माण गरेर नेपाल सरकारलाई हस्तान्तरण गरेको हो । उद्योगले मझुवाको ७ सय ३० रोपनी जग्गा समेटेको छ । उद्योगबाट सामान्य समयमा प्रतिदिन ६ सय २४ थान टायर उत्पादन हुन्थ्यो । ट्रकका लागि १२, जिप र भ्यानका लागि ५ तथा कारहरुका लागि ६ प्रकारका टायर उत्पादन हुने गरेको थियो । सरकारले उद्योग बनाउनकै लागि २०४२ सालमा १ करोड १४ लाख रुपैयाँमा ६ सय ८२ रोपनी जग्गा खरिद गरेको थियो । सरकारको ३८ प्रतिशत, साल्ट ट्रेडिङ कर्पोरेसनको ३८ प्रतिशत, पब्लिक सेयर २० प्रतिशत र बाँकी विभिन्न बैंक र संस्थानहरुको समेत ५० करोड लगानीमा उद्योग स्थापना भएको हो । २०४२ सालमा शिलान्यास भएको उद्योग २०४९ मंसिर २९ मा तत्कालीन राजा वीरेन्द्रले उद्घाटन गरेका थिए ।
उद्योग पुनः सञ्चालन सम्भावनाबारे अध्ययन गर्न २०७८ साउन १९ को मन्त्रिपरिषद् बैठकले पूर्व सञ्चार सचिव दीपक सुवेदीको संयोजकत्वमा कार्यदल गठन गरेको थियो । कार्यदलले उद्योगको अवस्थाबारे प्रतिवेदन सरकारलाई बुझायो । त्यसपछिका हरेक बजेट र नीति तथा कार्यक्रममा सरकारले रुग्ण उद्योग सञ्चालन गर्ने घोषणा गर्छ, काम गर्दैन । कार्यदलले निजी क्षेत्र मार्फत उद्योग चलाउन सुझाव दिए पनि सरकारले ठोस निर्णय गरेको छैन । सञ्चालन मोडालिटी बनाएर लामो समयका लागि जिम्मा दिए उद्योग चलाउन चिनियाँ टोली तयार रहेको खनाल बताउँछन् ।
३ सिफ्टमा उद्योग चलाउँदा मासिक ६ हजार थान टायर उत्पादन गर्न सकिने टोलीको निष्कर्ष छ । तत्कालीन समयमा देशको ४० प्रतिशत माग सोही उद्योगले धानेको सोही समयका जिएम विनोद तिवारीले बताए ।
Related News
सम्बन्धित समाचार
जसुलाई रोटरी भोकेसनल एक्सिलेन्स अवार्ड
पोखराको काहुँडाँडामा भीषण आगलागी
आर्वामा भलिबल प्रतियोगिता हुने
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०