नवलपुरमा जिप दुर्घटनामा ४ जनाको मृत्यु, १० घाइते

रामकुमार श्रेष्ठ
मंसिर १५, २०७९
accident

नवलपुर । नवलपुरको धौवादीमा बिहीबार जिप दुर्घटनामा ४ जनाको मृत्यु भएको छ । दुर्घटनामा १० यात्रु घाइते भएका छन् ।

दलदलेबाट १४ जना यात्रु लिएर डेढगाउँ जाँदै गरेको गण्डकी प्रदेश ०४–००१ज–०००६ नम्बरको जिप हुप्सेकोट गाउँपालिका ५, धौवादीको कान्छीपानी नजिकै साँझ ५ बजे दुर्घटनामा परेको हो । जिप दुर्घटनामा ज्यान गुमाउनेमा बुलिङटार गाउँपालिका ६ का वर्ष ६० का होमबहादुर रानाभाट, बुलिङटार ५, राइकोटकी ६७ वर्षीया मनसुभा बराल, बौदिकाली गाउँपालिका २, डेढगाउँका २८ वर्षीय केसरी दरई र अन्दाजी ५८ वर्ष यामबहादुर ठाडा रहेको जिल्ला प्रहरी कार्यालय नवलपुरका प्रहरी उपरीक्षक भुवनेश्वर तिवारीले बताए ।

यस्तै, घाइते हुनेमा जिपचालक दुर्गाबहादुर बिरकट्टा, वर्ष २१ की फूलमाया कुमाल, वर्ष २४ की सुनीता रानाभाट, ४ वर्षी बालक निश्चल रानाभाट, खेमचन्द्र दरई, वर्ष १४ की सुना सुनार र वर्ष २० का उत्तम क्षेत्री, वर्ष १२ का धनजित नेपाली र वर्ष ३१ का देवबहादुर नेपाली हुन् । घाइतेमध्ये ८ जनाको उपचारार्थ भरतपुर पठाइएको छ । जिप दुर्घटना हुँदा हाम फालेर ज्यान बचाउने २ जनाको अवस्था सामान्य रहेको र उनीहरुको स्थानीय स्थास्थ्य चौकीमा उपचार भइरहेको छ ।

जिप ब्रेक फेल भई दुर्घटना भएको अनुमान छ । जिप सडकदेखि करिब १ सय मिटर तल खसेको छ । दुर्घटनाको अनुसन्धान भइरहेको प्रहरीले जनाएको छ ।

Related News

सम्बन्धित समाचार

hero news full width