पोखरा । पोखरा बहुमुखी क्याम्पस, नयाँबजारले बुधबार ३६ औं स्थापना दिवस मनाउनेक्रममा छुट्टै रौनक थियो । २०४४ सालमा स्थापना भएको क्याम्पसको यो पटकको वार्षिकोत्सव फरक थियो ।
एकापट्टि पञ्चेबाजा घन्किएका थिए भने शिक्षक, अभिभावक, विद्यार्थी र अतिथिको अनुहारमा छुट्टै कान्ति देखिन्थ्यो । कारण यसकारण थियो–क्याम्पसको आफ्नै नयाँ भवन । क्याम्पसको वार्षिकोत्सवसँगै नयाँ भवन प्रवेश गरिएको हो ।
शिक्षामा बढ्दो रुचिसँगै विद्यार्थीको बढ्दो चाप ध्यानमा राखेर पृथ्वीनारायण (पिएन) क्याम्पसको विकल्पमा स्थापित महेन्द्र बहुमुखीले लामो समयपछि आफ्नै भवन पाएको हो । त्यसबेला पिएन पढ्नकै लागि आएका सिट संख्या कम भएकाले धेरैले पढ्न पाउँदैनथे । दुर्गम क्षेत्रबाट आएकाहरु भर्ना हुन नपाएर घर फर्कनुपर्ने बाध्यताले तत्कालीन अञ्चलाधीश नरेन्द्र चौधरीको ध्यान खिच्यो । उनकैको पहलमा तत्कालीन पोखरा नगर पञ्चायत र पोखरा उद्योग वाणिज्य संघसँगको सहकार्यमा महेन्द्र बहुमुखी क्याम्पस स्थापना भएको हो । क्याम्पस स्थापनामा पोखराको जेठो संस्था पोखरा उद्योग वाणिज्य संघले आर्थिक व्यवस्थापन गरेर पोखरा १, बगरस्थित राष्ट्रिय माविबाट शैक्षिक यात्रा सुरुआत भएको पाइन्छ ।
पोउवा संघ, अञ्चलाधीश, समाजसेवी, शिक्षाप्रेमीको अगुवाइमा ‘सर्वसुलभ शुल्कमा गुणस्तरीय शिक्षा’ नाराका साथ तत्कालीन पश्चिमाञ्चल क्षेत्रकै पहिलो सामुदायिक क्याम्पसको रुपमा स्थापित थियो । स्थापनासँगै सुरुका दिनमा प्रमाणपत्र तहमा मानविकी र व्यवस्थापन संकायमा कक्षा सञ्चालन गर्न थाल्यो ।
विविध समस्या झेल्दै क्याम्पस २०५९ सालमा पोखरा नयाँबजारमा स¥यो । नयाँबजार झर्दासम्म क्याम्पसको आफ्नो भवन थिएन । त्यहाँ पनि तत्कालीन महेन्द्र निमावि स्कुलको भवनबाट कक्षा सञ्चालन भयो ।
नयाँबजार आएको अर्को वर्षदेखि नै विश्वविद्यालयमा आएको नीतिगत परिवर्तनले प्रमाणपत्र तह विस्थापित भएर स्नातकतर्फ मानविकी (बिए) र व्यवस्थापन (बिबिएस) तर्फका कक्षा सञ्चालन भए । नेपालको शैक्षिक नीति परिवर्तन हुँदै जाँदा महेन्द्र निमाविले पनि कक्षा १२ सम्म पढाउन सुरु ग¥यो । त्यति बेलासम्म क्याम्पस सञ्चालक समितिले आफ्नै भवन हुनुपर्ने महसुस गरिसकेको थियो ।
त्यसपछि सञ्चालक समिति अध्यक्ष नरेन्द्रमान लालचन लागिपरे । उनीसँगै अन्य सदस्य पनि आफ्नै भवन हुनुपर्छ भन्दै जोडतोडले लागे । यस विषयमा पोखरा महानगरका तत्कालीन मेयर मानबहादुर जिसी सकारात्मक भए । स्थानीय शिक्षाप्रेमी, समाजसेवी, बुद्धिजीवी तथा वडा ९ पहलमा मेयर जिसीले पोखरा ९ मा रहेको सार्वजनिक जग्गा क्याम्पसलाई उपलब्ध गराए । मेयर जिसीले २०७७ असार १२ मा शिलान्याससँगै भवन निर्माण सुरुआत गरिएको अध्यक्ष नरेन्द्रमान लालचनले जानकारी दिए । महानगरले ४ रोपनी उपलब्ध गराउने भनिए पनि ७ रोपनी जतिमा २ भवन बनाइएको छ ।
पिएनको विकल्पमा ३५ वर्षअघि स्थापित क्याम्पसमा हाल ४ सय विद्यार्थी पढ्छन्
२३ कोठे सुविधासम्पन्न एवं अपांग तथा प्रविधिमैत्री भवन बनाउन ९ करोडभन्दा बढी बजेट खर्च हुने अनुमान गरिएको सञ्चालक समिति कोषाध्यक्ष शंकर गुरुङले जानकारी दिए । उनका अनुसार अहिले केही कोठाहरु निर्माण हँुदै छन् । यसका लागि त्रिविबाट ५० लाख, आन्तरिक स्रोतबाट ५० लाख, अध्यक्ष लालचनबाट ५० लाख ५ हजार, एनएमबी बैंकबाट ३५ लाख र व्यावसायी, शिक्षाप्रेमी, समाजसेवी, बुद्धिजीवीलगायतले सहयोग छ ।
समुदायबाटै स्थापना भएको क्याम्पसको समुदायकै सहयोग र सद्भावबाट आफ्नै भवनमा सर्न सफल भएको अध्यक्ष लालचनले बताए । उनले नयाँ भवनबाट थप कार्यक्रम अघि बढाउने सोचिरहेको बताए । निम्न वर्गका विद्यार्थी र दूरदराजबाट आएकालाई सर्वसुलभ मूल्यमा शिक्षा प्रदान गर्नु आफूहरुको उद्देश्य रहेको उनको भनाइ थियो । अहिले भवन बन्दै गरेको स्थान शान्त र क्याम्पसलाई सुहाउँदो भएका कारण पनि अझ विद्यार्थी बढ्ने उनको आ¬ंकलन छ ।
अहिले बिए र बिबिएस २ संकायमा ४ सय जना विद्यार्थी अध्ययन गरिरहेको क्याम्पस प्रमुख शिशुकला पराजुलीले जानकारी दिइन् । उनका अनुसार क्याम्पसमा २९ प्राध्यापक र ९ कर्मचारी छन् । क्याम्पस आफ्नै भवनमा सञ्चालनपछि क्युएए प्राप्त गर्न सहज हुने पराजुलीले विश्वास व्यक्त गरिन् । क्याम्पसले निकट भविष्यमै विज्ञान संकायसहित स्नातकोत्तर तह थप्ने गरी अगाडि बढेको उनको भनाइ छ ।
नयाँ भवनमा ३६ औं वार्षिकोत्सव
पोखरा बहुमुखी क्याम्पसले ३६ औं वार्षिकोत्सव मनाउनेक्रममा साताव्यापी कार्यक्रमको आयोजना गरेको थियो । बुधबार नयाँभवन सर्नुअघि पञ्चेबाजा बजाउँदै नगर परिक्रमा गरिएको थियो । सो अवसरमा गण्डकी प्रदेशका कानुन, सञ्चार तथा प्रदेशसभा मामिलामन्त्री विन्दुकुमार थापाले क्याम्पस परिवारसँगै आफू पनि हर्षविभोर भएको बताए । ‘यो क्याम्पस गण्डकी प्रदेशकै पहिलो सामुदायिक क्याम्पस हो । ‘पोखराकै इतिहास बोकेको क्याम्पसले धेरै दुख खेप्यो’ मन्त्री थापाले भने, ‘अहिले बल्ल अब्बल बन्दैछ । आफ्नै भवन पाएको छ । दुलही भित्रिए झैं क्याम्पस नयाँ भवनमा भित्रिएको देख्दा म साँच्चै खुसी छु ।’
उनले आगामी दिनमा क्याम्पसलाई आवश्यक सहयोग गर्न सदैव तयार रहेको उल्लेख गरे । ‘म पदमा रहे पनि वा नरहे पनि क्याम्पसका लागि आवश्यक सहयोग सधैं हुनेछ,’ उनले भने । मन्त्री थापाले क्याम्पसको पाठ्यक्रममा प्रयोगात्मक र समायानुकूल विषय थप गर्न आग्रह समेत गरे ।
क्याम्पस सञ्चालक समिति अध्यक्ष लालचनले सम्पूृर्ण पोखरेलीको साथ र सहयोगमा क्याम्पस आफ्नै भवन सर्न सकेको बताए । अझै एकतला थप्ने योजना रहेको र त्यसका लागि पनि सहयोगको अपेक्षा गरेको उनले बताए । ‘क्याम्पस भवन बनाउन निर्माण समिति आफ्नै खर्चमा जुटेको थियो । सम्पूर्ण मनकारीको भरमा यो संस्थाले गति लिएको हो,’ उनले भने ।
क्याम्पस प्रमुख शिशुकला पराजुलीले ३६ औं वार्षिकोत्सव ‘विशेष’ भएको बताइन् । भौतिक संरचनाको अभावमा नयाँ विषय थप गर्न समस्या भइरहेको उल्लेख गर्दै उनले आगामी शैक्षिकसत्रदेखि क्याम्पसले थप संकाय सुरु गर्ने जनाइन् ।
क्याम्पसका शैक्षिक गतिविधि समेटिएको बुलेटिन पनि सो अवसरमा विमोचन गरिएको थियो । उत्कृष्ट कर्मचारी र प्राध्यापकलाई क्याम्पसले सम्मान गरेको छ । चन्दादातालाई सम्मान गर्नुक साथै विभिन्न विधामा उत्कृष्ट विद्यार्थीलाई पुरस्कृत गरेको छ । यसअघि भएको छात्रा भलिबल प्रतियोगितामा प्रथम र द्वितीय हुने विद्यालयलाई पनि पुरस्कृत गरिएको थियो ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराका मेयर धनराज आचार्यलाई मातृशोक
जसुलाई रोटरी भोकेसनल एक्सिलेन्स अवार्ड
पोखराको काहुँडाँडामा भीषण आगलागी
hero news full width
मुख्य समाचार
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
चैत्र ५, २०८०दीपक मनाङेलाई भाैतिक मन्त्रालय
चैत्र ५, २०८०चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०