पोखरा । जनहितैषी फाउन्डेसन, नेपाली चिल्डे«न तथा हिमालय परियोजनाले संयुक्त रुपमा सुइँखेतस्थित अम्बिका माविमा सहयोग गरेका छन् । ती संस्थाले विद्यालयमा अध्यनरत कुल २६ जना गरिब तथा जेहेन्दार विद्यार्थीलाई स्टेसनरी तथा न्यानो कपडा वितरण गरेका हुन् ।

कार्यक्रममा धारणा राख्दै जनहितैषी फाउन्डेसनका अध्यक्ष बोधराज अधिकारीले सहयोगको सदुपयोग हुने विश्वास व्यक्त गरे । हिमालय परियोजना प्रमुख पाउलले विद्यालयसँग हालै मात्रै सम्बन्ध जोडिएको स्पष्ट पार्दै शैक्षिकबाहेक भौतिक पक्ष सुधारमा पनि संस्थाले भूमिका खेल्ने उल्लेख गरे ।

प्रधानाध्यापक ओमप्रसाद पौडेलले सहयोग आफैंमा महत्वपूर्ण हुने उल्लेख गर्दै सहयोगको पूर्ण सदुपयोग गरिने विश्वास दिलाए ।

नेपाली चिल्ड्रेनका प्रतिनिधि जोलु आरतीको अध्यक्षतामा भएको उक्त कार्यक्रम प्रधानाध्यापक पौडेलले सञ्चालन गरेका थिए ।