सुन सफा गर्ने बहानामा ठगी

आदर्श समाज सम्वाददाता
मंसिर ११, २०७९
gold

लमजुङ । सुन सफा गरिदिने बहानामा ठगी गर्ने एक भारतीय नागरिकलाई प्रहरीले पक्राउ गरेको छ । पक्राउ पर्नेमा २४ वर्षीय विवेक कुमार हुन् । प्रहरीका अनुसार उनले ठगेको सुनका गहनाको बिगो करिब ३ लाख पुग्ने छ ।

मस्र्याङदी गाउँपालिका–३, खुँदी बजारमा सुनको गरगहना सफा गरी चम्कने बनाई दिन्छु भनी उनले स्थानीय ३ जना महिलाको सुनको सिक्री तथा ब्रासलेट खोल्न लगाई रासायनिक पदार्थबाट सुन सफा गरी तौल कम पारेका हुन् ।

निजलाई खुँदी बजारबाट स्थानीय प्रहरी चौकीका प्रहरीले पक्राउ गरी जिल्ला प्रहरी कार्यालयमा पठाएको कार्यालयका सूचना अधिकारी प्रहरी निरीक्षक जगदीश रेग्मीले बताए ।

निजलाई लमजुङ जिल्ला अदालतबाट शुक्रबारबाट लागु हुने गरी दिन ७ को म्याद थप भई थप अनुसन्धान कार्य भइरहेको छ ।

सूचना अधिकारी रेग्मीले भने, ‘अहिले ३ जना महिलाको उजुरी परेको छ । थप ४÷५ जनाको उजुरी आउने खबर प्राप्त भएको छ । ती सबैको बिगो करिब ३ लाख पुग्ने अनुमान छ ।’

सुन तथा अन्य गरगहना सफा गरी टल्काईदिन्छु भनी ठगी गर्न सक्ने हुँदा त्यस्ता व्यक्तिहरूसँग सचेत रहन प्रहरीले सर्वसाधारणमा अनुरोध गरेको छ ।

Related News

सम्बन्धित समाचार

  • मोबाइल बैंकिङ एप ह्याक गरी चोरी गर्ने ८ जना पक्राउ

    आदर्श समाज सम्वाददाता माघ २१, २०७९
    काठ्माडौं । मोबाइल बैंकिङ एप ह्याक गरी चोरी गर्ने आठजनालाई प्रहरीले पक्राउ गरेको छ । ‘मेरो गल्स’ मोबाइल बैंकिङ एप…
  • कामना सेवाका सिइओ पक्राउ

    आदर्श समाज सम्वाददाता माघ १८, २०७९
    पोखरा । कामना सेवा विकास बैंकका प्रमुख कार्यकारी अधिकृत (सिइओ) प्रवीण बस्नेतसहित ४ जना बुधबार पक्राउ परेका छन् । पक्राउ…
  • एकै रातमा १२ ठाउँमा चोरी

    आदर्श समाज सम्वाददाता माघ १७, २०७९
    पोखरा। स्याङ्जाको आँधिखोला गाउँपालिका–१, पञ्चमूलमा एकै रात १२ ठाउँमा चोरी भएको छ ।  सोमबार राति वडा कार्यालय, सहकारी, पसल, व्यक्तिको…
  • पोखरामा पनि आत्मदाह प्रयास, जलेर २ घाइते

    आदर्श समाज सम्वाददाता माघ १५, २०७९
    पोखरा । पोखरामा पनि एक युवकले आत्मदाह प्रयास गरेका छन् । पेट्रोल छर्केर आत्मदाह प्रयास गरेका उनलाई बचाउन खोज्ने अर्की…
  • प्रहरी हुँ भन्दै ७ लाख ठगी

    आदर्श समाज सम्वाददाता माघ १३, २०७९
    लमजुङ । लमजुङ प्रहरीले ठगी आरोपमा एक युवकलाई पक्राउ गरेको छ । पक्राउ पर्नेमा मस्र्याङ्दी गाउँपालिका–१, घनपोखरामा स्थायी बसोबास भएका…

hero news full width