मंसिर २० देखि एन प्याब्सन खेलकुद महोत्सव

आदर्श समाज सम्वाददाता
मंसिर १०, २०७९
NPABSON Photo

पोखरा । निजी विद्यालयको छाता संस्था नेसनल प्याब्सन (एन प्याब्सन) कास्कीले ‘१३ औं नेसनल प्याब्सन कास्की खेलकुद महोत्सव’ गर्ने भएको छ ।

पोखरा रंगशालामा मंसिर २० देखि २३ गतेसम्म सञ्चालन हुने खेलकुदबारे शुक्रबार पोखरामा पत्रकार सम्मेलन गरी जानकारी दिएको हो । प्रतियोगितामा छात्रतर्फ फुटबल हुनेछ भने छात्र/छात्रातर्फ भलिबल, बास्केटबल, ब्याडमिन्टन, टेबल टेनिस र एथलेटिक्सका खेलहरु हुने अध्यक्ष हेमन्त अधिकारीले जानकारी दिए ।

उक्त खेल महोत्सवमा कास्कीका ४६ विद्यालयका ७ हजार विद्यार्थीहरुको सहभागिता हुने एन प्याब्सन कास्कीले जनाएको छ । कक्षा १ देखि १० कक्षा १० सम्म अध्ययनरत विद्यार्थीहरुले सहभागिता जनाउने उक्त प्रतियोगिता करिब २५ हजारले अवलोकन गर्ने आयोजकले अपेक्षा गरेको छ ।

‘एन प्याब्सन कास्कीको मान्यता–विद्यालयमा खेलकुदको अपरिहार्यता’ भन्ने मुल नाराका साथ सञ्चालन हुने प्रतियोगिताको मंसिर २० गते पोखरामा रंगशालामा राष्ट्रिय खेलकुद परिषदका सदस्य सचिव टंकलाल घिसिङले उद्घाटन गर्ने तय भएको छ ।

करिब २० देखि २५ लाख खर्च हुने उक्त प्रतियोगिताले भावी खेलाडी उत्पादन गर्न सहयोग पुग्ने अध्यक्ष अधिकारीले जानकारी दिए । एन प्याब्सन कास्कीले विगतमा एनप्याब्सन आबद्ध विद्यालयमा अध्ययन गरी नवौं राष्ट्रिय खेलकुद २०७९ मा पदक जित्न सफल खेलाडीलाई सम्मान गर्ने जनाएको छ ।

खेल महोत्सव सम्पन्न गर्न अध्यक्ष अधिकारीको संयोजकत्वमा १९ सदस्यीय मुल आयोजक समिति गठन गरिएको छ भने विभिन्न १५ वटा उपसमिति गठन गरिएको छ । पत्रकार सम्मेलनमा ‘१३ औं नेसनल प्याब्सन कास्की खेलकुद महोत्सव’ ट्रफी र लोगो अनावरणसमेत गरिएको थियो ।

Related News

सम्बन्धित समाचार

  • जिएमसी स्पोर्टमा ११ कलेज सहभागी

    आदर्श समाज सम्वाददाता माघ २२, २०७९
    पोखरा । गण्डकी मेडिकल कलेजले आयोजना गरेको ‘जिएमसी स्पोर्ट फेस्ट २०२३’ सकिएको छ । ५ दिनसम्म चलेको उक्त स्पोर्ट मिटमा…
  • आजदेखि बिटी कप

    आदर्श समाज सम्वाददाता माघ २२, २०७९
    पोखरा । बुद्धटोल युवा क्लबको आयोजनामा आइतबारदेखि १६ औं बिटी कप छैटौं वीरेन स्मृति सेभेन ए साइड खुल्ला फुटबल प्रतियोगिता…
  • पोखरामा ९० हजार पुरस्कारको क्यारमबोर्ड प्रतियोगिता हुने

    आदर्श समाज सम्वाददाता माघ २१, २०७९
    पोखरा । पोखरामा ९० हजार पुरस्कार राशीको क्यारमबोर्ड प्रतियोगिता हुने भएको छ । फागुनको ५ र ६ गते हुने प्रतियोगिता…
  • फेन्सिङमा गण्डकीलाई स्वर्ण

    आदर्श समाज सम्वाददाता माघ २१, २०७९
    पोखरा । पोखरा महानगरपालिका खेलकुद विकास समितिले आयोजना गरेको राष्ट्रिय इपी फेन्सिङ प्रतियोगितामा जुनियर पुरुष र महिला विधामा गण्डकीले स्वर्ण…
  • ह्विलचेयर बास्केटबलमा आयोजक विजयी

    आदर्श समाज सम्वाददाता माघ २१, २०७९
    पोखरा । पुरुष तथा महिला ह्विलचेयर बास्केटबल प्रतियोगितामा आयोजक पोखरा महानगरपालिका विजयी भएको छ । पोखरा महानगरपालिका खेलकुद विकास समितिले…

hero news full width