क्होइबों बनाउन १० लाख सहयोग

आदर्श समाज सम्वाददाता
मंसिर ७, २०७९
Ghandruk Photo

पोखरा । घान्द्रुकमा निर्माण हुन लागेको क्होइबों धिंका लागि घान्द्रुक समाज हङकङले आर्थिक सहयोग गरेको छ । समाजले मंगलबार घान्द्रुक (कोंड) क्होइबों धिं निर्माणका लागि १० लाख ६० हजार हस्तान्तरण गरेको हो । हङकङ समाजका निवर्तमान अध्यक्ष मिलन गुरुङ, पूर्व अध्यक्ष चन्द्र गुरुङले निर्माण समिति अध्यक्ष प्रेम गुरुङ र आर्थिक समिति संयोजक क्या. रुपबहादुर गुरुङलाई सो रकम हस्तान्तरण गरे ।

कार्यक्रममा अन्नपूर्ण १० का वडाध्यक्ष गौतम गुरुङले सरकारले विकासको लागि छुट्याएको बजेट दुरुपयोग नगर्ने बताए । सामाजिक विकासको लागि विभिन्न क्षेत्रमा आवद्ध समुदायले आर्थिक र भौतिकरुपमा सहयोग गरेकोमा उनले धन्यवाद दिए ।

आर्थिक समिति संयोजक क्या. रुपबहादुर गुरुङले सामाजिक सेवामा आर्थिक, नैतिक र भौतिक रुपमा गरिने सहयोगले समाजको माया बढेर जाने बताए । घान्द्रुक (कोंड) क्होइबों धिं निर्माणमा ढिलाइ भएको भन्दै गुरुङले फागुनमा शिलान्यास गरेर निरन्तर काम अगाडि बढाउने उद्घोष गरे ।

कार्यक्रममा घान्द्रुुक समाज हङकङका निवर्तमान अध्यक्ष चन्द्र गुरुङ, बौद्ध अर्घौँ सदन रामघाटका अध्यक्ष भुवनसिंह गुरुङ, तमु प्हेलु संघका अध्यक्ष हितकाजी गुरुङ, क्होइवों धि निर्माण समितिका अध्यक्ष प्रेम गुरुङ लगायतले घान्द्रुकमा क्होइबों धिंको महत्वबारे प्रकाश पारेका थिए ।

घान्द्रुक समाज हङकङका निवर्तमान अध्यक्ष मिलन गुरुङ र लामा अमृत फाउण्डेशन घान्द्रुकका संस्थापक अमृत गुरुङले क्होइबोंलाई घान्द्रुकको पहिचान बनाउन सबैले सहयोग गर्नुपर्ने बताए ।

यसैबीच, घान्द्रुक समाज हङकङले अन्नपूर्ण संरक्षणकर्मी चिन्तबहादुर गुरुङलाई छैठौं ब्रेज मेश्रों अवार्ड प्रदान गरेको छ । अन्नपूर्ण संरक्षणकर्मी ७२ वर्षीय गुरुङलाई २६ हजार ५ सयसहित सो अवार्डबाट सम्मान गरेको हो । उनले अन्नपूर्ण संरक्षण क्षेत्रमा चार दशकसम्म गरेको सेवाको मूल्यांकनस्वरुप अवार्डबाट सम्मान गरेको घान्द्रुक समाज हङकङका निवर्तमान अध्यक्ष चन्द्र गुरुङले बताए । यसअघि राजबहादुर गुरुङ, कृष्णप्रसाद पौडेल, भक्तबहादुर गुरुङ, धनमाया गुरुङ र ललित गुरुङ सम्मानित भइसकेका छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width