नमुना मतदान केन्द्र सम्हाल्दै महिला कर्मचारी

आदर्श समाज सम्वाददाता
मंसिर २, २०७९
Namuna Matdan

पोखरा । आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनमा कास्कीका ३ वटा मतदान केन्द्रको नेतृत्व महिला कर्मचारीले सम्हालेका छन् । जिल्लाका १ सय ५० मतदानस्थलका ३ सय ४४ मतदान केन्द्रमध्ये हरेक क्षेत्रका एउटा मतदान केन्द्रमा महिला कर्मचारीले मतदान प्रक्रिया टुंगाउने जिम्मा पाएका हुन् । जसलाई निर्वाचन अधिकृतको कार्यालयले ‘नमुना मतदान केन्द्र’ भनेको छ ।

ती मतदान केन्द्रमा खटिएका मतदान अधिकृतदेखि सहयोगीसम्म महिला हुन् । मुख्य निर्वाचन अधिकृतको कार्यालयका अनुसार निर्वाचन केन्द्र महिलामैत्री र नमुना बनाउन महिलाकै नेतृत्वलाई जिम्मा दिइएको हो । जसमा १ मतदान अधिकृत, १ सहायक मतदान अधिकृत, ६ सहायक कर्मचारी र ३ जना सहयोगी छन् ।

कास्कीको क्षेत्र १ अन्तर्गत जनप्रकाश मावि मतदान केन्द्रलाई गीता न्यौपानेको टिमले हेर्दैछ । जसका लागि आफ्नो टिम तयार रहेको न्यौपानेले बताइन् । ‘यहाँ मसँगै ८ जना कर्मचारी महिला नै हुनुहुन्छ । स्वयंसेवक पनि मैले महिला नै नियुक्त गरेकी छु,’ उनले भनिन्, ‘आज (बिहीबार) हामीले सूचना टाँस गरिसकेका छौं । हामी अलि नजिक भएकाले भोलि (शुक्रबार) मतपत्र बुझ्छौैं र सर्वदलीय बैठक बसेर काम अघि बढाउने हो ।’ यसअघि धनकुटामा पनि महिलामैत्री मतदान केन्द्रको नेतृत्व गरेकाले सबैलाई सिकाउँदै सफलतापूर्वक सम्पन्न गर्नेमा विश्वस्त रहेको उनले बताइन् ।

ती मतदान केन्द्रमा खटिएका मतदान अधिकृतदेखि सहयोगीसम्म महिला हुन्

कास्की क्षेत्र २ अन्तर्गत पार्दी माविको मतदान केन्द्रको नेतृत्वको सरिता रायमाझीले गर्दै छिन् । उनले पनि यसअघि निर्वाचन अधिकृत भएर काम गरिसकेकाले आफ्नो नेतृत्वको मतदान केन्द्रमा सहज ढंगबाट काम सक्ने विश्वास व्यक्त गरिन् । ‘यसअघि २ पटक मतदान अधिकृत भइसकेको हो । मतदान अधिकृत भने पहिलो पटक हो,’ उनले भनिन्, ‘त्यसैले पनि मलाई गाह्रो केही पनि छैन, तयारी तीव्र भइरहेको छ ।’

कास्की क्षेत्र ३ अन्तर्गत सामुदायिक भवन बसुन्धरा पार्क मतदान केन्द्रको गीता घिमिरे दोरंगाले नेतृत्व गर्दै छिन् । महिलामैत्री नमुना मतदान केन्द्रको अवधारणा निकै राम्रो भएको उनले सुनाइन् । महिलालाई दिएको नतृत्व सफलताका साथ सम्पन्न गराउन कटिबद्ध भएर लाग्ने उनको भनाइ थियो । ‘निर्वाचन अधिकृतको कार्यालयबाट आवश्यक सामग्री लिएर मतदान केन्द्रमा पुगेका छौं,’ उनले भनिन्, ‘मतपत्र बुझ्ने, सर्वदलीय बैठक र शान्तिसुरक्षाको पाटोलाई ध्यानमा राखी हामीले पाएको जिम्मेवारी गुनारोरहित बनाएर सक्ने लक्ष्यमा छौं र हामी सफल पनि हुन्छौं भन्नेमा हामी विश्वस्त पनि छौं ।’

कर्मचारीले आवश्यक निर्वाचन सामग्री बुझेर सम्बन्धित मतदानस्थलको तयारी गर्ने कास्कीका मुख्य निर्वाचन अधिकृत प्रकाश खरेलले जानकारी दिए ।

कास्कीमा १ सय ५० मतदानस्थलमध्ये ५० ओटा अति संवेदनशील रहेको कास्कीका प्रमुख जिल्ला अधिकारी टेकबहादुर केसीले पोखरामा हालै भएको सुरक्षा गोष्ठीमा ब्रिफिङ गरेका थिए ।

जिल्लामा प्रतिनिधिसभातर्फ ४६ र प्रदेशतर्फ ४५ गरी ९१ उम्मेदवार प्रतिस्पर्धामा छन् । कास्कीमा २ लाख ९१ हजार ५ सय ६८ मतदाता छन् ।

Related News

सम्बन्धित समाचार

  • दीपक मनाङेलाई भाैतिक मन्त्रालय

    आदर्श समाज सम्वाददाता चैत्र ५, २०८०
    पोखरा । स्वतन्त्र सांसद राजीव गुरुङ उर्फ दीपक मनाङेलाई भौतिक पूर्वाधार विकास मन्त्रालयको जिम्मेवारी दिइएको छ । मुख्यमन्त्री सुरेन्द्रराज पाण्डेले…
  • चौथो पटक मन्त्री बन्दै दीपक मनाङे, आजै शपथ खुवाउने तयारी

    आदर्श समाज सम्वाददाता चैत्र ५, २०८०
    पोखरा । पोखरा । गण्डकीको संसदीय राजनीतिक गणितमा जहिल्यै निर्णायक अंक बन्दै आएका सांसद राजीव गुरुङ अर्थात् दीपक मनाङे चौथोपटक…
  • जनजागृतिमा शिक्षक बिदाइ

    आदर्श समाज सम्वाददाता चैत्र ४, २०८०
    पोखरा । पोखरा–१८, सराङकोटस्थित जनजागृति माविमा शिक्षक बिदाइ गरिएको छ । स्वेच्छिक अवकाश लिएका पूर्व प्रधानाध्यापक विष्णुप्रसाद तिमिल्सिना तथा अनिवार्य…
  • बाल मनोविज्ञान र शैक्षिक सुधारबारे गोष्ठी

    आदर्श समाज सम्वाददाता चैत्र ४, २०८०
    पोखरा । बाल मनोविज्ञान तथा शैक्षणिक सुधार योजनासम्बन्धी गोष्ठी शनिबार पोखरामा सम्पन्न भएको छ । माया फाउन्डेसनअन्तर्गत कार्यक्रम सञ्चालन भएका…
  • ओमबहादुर कार्कीको सम्झना

    आदर्श समाज सम्वाददाता चैत्र ४, २०८०
    पोखरा । पृथ्वीनारायण क्याम्पसका पूर्व सहायक क्याम्पस प्रमुख एवं रसायनशास्त्र विभागका पूर्व विभागीय प्रमुख सहप्राध्यापक ओमबहादुर कार्कीको सम्झना गरिएको छ…

hero news full width