पोखरा । वाईवाई गण्डकी प्रदेशस्तरीय क्रिकट छनोट प्रतियोगितामा नवलपुर लिगको शीर्षस्थानमा रहँदै च्याम्पियन बनेको छ ।
नवलपुरले ३ खेलमा पूरा जित निकाल्दै ६ अंकका साथ शीर्षस्थान कायम गरेको हो ।

पोखरा रंगशालामा अन्तिम खेलमा कास्कीले स्याङ्जामाथि १ सय ७५ रनको जित निकाल्दै ४ अंक सहित दोश्रो स्थान कायम ग¥यो ।

प्रादेशिक क्रिकेट संघ, गण्डकीको आयोजनामा भएको खेलमा कास्कीले पहिला व्याटिङ गर्दै पुरा ५० ओभरमा ९ विकेट गुमाएर २ सय ८३ रनको विशाल योगफल तयार पा¥यो ।

स्याङ्जाको पारी ३३.३ ओभरमा १ सय ८ रनमा समेटिंदा कास्कीका बलरहरु म्यान अफ द म्याच सुवास भण्डारीले ५ र सिब्रिन श्रेष्ठले २ विकेट लिए । कास्कीका सोहिल कुँवर उत्कृष्ट व्याट्सम्यान तथा दीपक डुम्रे सर्वोत्कृष्ट खेलाडी भए ।

विजयी खेलाडीहरुलाई प्रदेश खेलकुद परिषद् गण्डकीका कार्यवाहक सदस्यसचिव घनश्याम पौडेल, राष्ट्रिय खेलकुद परिषद्का सदस्य राजेश गुरुङ, प्याप्सनका सल्लाहकार डोलराज पाण्डे, आयोजक संघका अध्यक्ष देवेन्सन प्रजु लगायतले पुरस्कार वितरण गरे ।