पोखरा । कास्की क्षेत्र ३ प्रतिनिधिसभा सदस्यका उम्मेदवार रामजीप्रसाद बराल जीवनविरुद्ध निर्वाचन कार्यालयमा उजुरी दर्ता भएको छ ।
युवा तथा खेलकुद मन्त्रालयअन्तर्गत युवा तथा साना व्यवसायी स्वरोजगार कोषको कालोसूची परेको प्रमाणसहित उनको उम्मेदवारी खारेज माग गर्दै बुधबार उजुरी दर्ता गरिएको हो । पोखरा २४, कास्कीकोटका बोधराज सुवेदीले कालोसूचीमा परेका उनको उम्मेदवारी खारेज माग गर्दै मुख्य निर्वाचन अधिकृतको कार्यालयमार्फत निर्वाचन आयोगमा उजुरी दर्ता गराएका हुन् ।
आगामी मंसिर ४ मा हुने प्रतिनिधिसभा तथा प्रदेशसभा चुनावमा पाँचदलीय गठबन्धनका साझा उम्मेदवार माओवादी केन्द्रका नेता बरालले ३८ लाख २४ हजार ७०८ रुपैयाँ नतिरेको भनी गत २०७६ साल वैशाख १ मा युवा तथा साना व्यवसायी स्वरोजगार कोषको सचिवालयले उनलाई कालोसूचीमा राखेको हुँदा उनी उम्मेदवारको लागि अयोग्य रहेको सुवेदीको निवेदन जिकिर छ ।
उनको उम्मेदवारी खारेज माग गर्दै मुख्य निर्वाचन अधिकृतको कार्यालयमार्फत निर्वाचन आयोगमा उजुरी दर्ता
उजुरीमा निज उम्मेदवार बराललाई निर्वाचन (कसुर तथा सजाय) ऐन, २०७३ को दफा (१) बमोजिम झुठा विवरण लेखी मनोनयनपत्र पेस गरेको समेत स्पष्ट देखिएकोले उल्लेखिन कानुनी व्यवस्था बमोजिम निजको उम्मेदवारी खारेज गरी निर्वाचन (कसुर तथा सजाय) ऐन, २०७३ को दफा (३)(२) बमोजिम हदैसम्म सजाय गरी पाउँ भनी माग गरिएको छ । बरालसमेत संलग्न रहेको पोखराको नयाँबजारस्थित गण्डकी माछापुच्छे सहकारी संस्थालाई कोषले ५० लाख कर्जा दिएकोमा समयमै नबुझाएपछि कालोसूचीमा परेका हुन् । त्यसबेला उनीसहित १५ जना कालोसूचीमा परेका थिए ।
गण्डकी प्रदेशका बहालवाला अर्थमन्त्री समेत रहेका उम्मेदवार बराल प्रदेशसभाबाट प्रतिनिधिसभा सदस्यमा उक्लिन पुनः उम्मेदवारी दिएका हुन् । कास्की ३ मा उनको मुख्यत नेकपा एमालेका उम्मेदवादर दामोदर बैरागीसँग मुख्य प्रतिस्पर्धा छ । अघिल्लो चुनावमा कास्की ३ मा तत्कालीन बामगठबन्धनबाट एमालेका जगत विश्वकर्मा निर्वाचित भएका थिए ।
हेर्नोस् उजुरीको व्यहोरा,
Related News
सम्बन्धित समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
hero news full width
मुख्य समाचार
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१