पोखरा । पोखरा अन्तर्राष्ट्रिय विमानस्थलमा चुनावको भोलिपल्ट क्यालिब्रेसन उडान हुने भएको छ । नेपाल नागरिक उड्डयन प्राधिकरणले मंसिर ५ देखि ११ सम्म पोखरा अन्तर्राष्ट्रिय विमानस्थलको यान्त्रिक परीक्षण उडान गर्ने तालिका स्वीकृत गरेको हो ।
सोको लागि एरो थाई कम्पनीको जहाज आइतबार नेपाल आइसकेको प्राधिकरणका प्रवक्ता ज्ञानेन्द्र भुलले जानकारी दिए । सो जहाज मंसिर २ मा पोखरा आउने जनाइएको छ ।
क्यालिब्रेसन उडान एक विस्तृत यान्त्रिक परीक्षण उडान हो । उडानको प्रतिवेदन कम्पनीले बुझाएपछि मात्र नयाँ विमानस्थलमा परीक्षण उडान हुने गर्दछ । र, परीक्षण उडान समेत सफल भएपछि व्यावसायिक उडान सुरु हुने छन् ।
बहुप्रतिक्षित पोखरा अन्तर्राष्ट्रिय विमानस्थलमा आगामी १ जनवरी, २०२३ देखि उडान गर्ने तयारी छ । यहाँबाट बुद्ध एयरले पहिलो पल्ट अन्तर्राष्ट्रिय उडान भर्ने सोमबारमात्रै जानकारी दिएको छ । बुद्ध एयरले यहाँबाट भारतको दिल्ली, बनारस र देहरादूनमा उडान भर्न लागेको हो । कम्पनीका अनुसार पोखराबाट पहिलो उडानका रुपमा बुद्धले पोखरा–बनारस–पोखरा उडान गर्नेछ । पोखरा–बनारस–पोखरा उडान सातामा ३ दिन आइतबार, मंगलबार र बिहीबार हुने कम्पनीले जनाएको छ । बुद्धले भारत सरकारबाट रुट र स्लटको पहल गरिरहेको र सो प्राप्त भएपछि पोखरा–देहरादून–पोखरामा समेत सातामा ३ वटा उडान भर्ने जनाएको छ । नेपालका करिब दुई दर्जन राष्ट्रिय गौरवका आयोजनामध्ये पोखरा क्षेत्रीय अन्तर्राष्ट्रिय विमानस्थल एक हो ।
Related News
सम्बन्धित समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
hero news full width
मुख्य समाचार
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१