पोखरा । डा. इफा बेलायती नागरिक हुन् । आफ्नो देशका बालबच्चालाई उनी नृत्य सिकाउँछिन् । उनै डा. इफा आइतबार मदरल्याण्ड माविका विद्यार्थीलाई नृत्य देखाइन् । उनीसँग विद्यालयका सयौं विद्यार्थी आधा घण्टासम्म झुमे । वातावरण नै आल्हादित बन्यो । आममानिसले सुन्दै आएको गीतको शैलीको नृत्य नभई सो नृत्यमा दया, माया र करुणा हाउभाउ संकेत गथ्र्यो ।
यो कस्तोखालको नृत्य हो ? दुर्गामाया एन्डरसन प्रष्ट पारिन्, ‘आज बल्र्ड काइन्डनेस डे हो । विद्यार्थीलाई किताबको ज्ञानमात्र नभई उनीहरुमा दया, माया र करुणाको भावना अभिप्रेरित गराउनु यसको उद्देश्य हो ।’
पोखरा बुलौंदीकी दुर्गामाया अमेरिकी नागरिक देव एन्डरसनसँगको बिहेपछि ३० वर्षदेखि अमेरिका बस्दै आएकी छन् । लामो समयको परबास बसाइँमा दुर्गामायाले जन्मभूमिमा पनि केही गरौं भन्ने उद्देश्यले ३ वर्षअघि मदरल्याण्डका कक्षा ३ का १८० विद्यार्थीलाई जुटाएर काइन्डनेस क्लब मदरल्याण्ड खोलेको बताइन् । दुर्गामायाकै पहलमा डा. इफा पोखरा आएकी हुन् । अहिले विद्यालयका सबैजसो विद्यार्थी, शिक्षक, कर्मचारी लगायत यसको सदस्य वा सल्लाहकार रहेको क्लब अध्यक्ष निश्चल बास्तोलाले बताए ।
प्रत्येक वर्ष १३ अक्टोबरलाई बल्र्ड काइन्डनेस डे मनाउने गरिन्छ । विद्यालयले आगामी सातासम्म विविध कार्यक्रम गरी यो दिवस मनाउने कार्यक्रम संयोजक श्रीकृष्ण परियारले जानकारी दिए ।
विद्यालयका निर्देशक त्रिभुवन शर्मा र प्राचार्य नारायण बरालले क्लब सचिव कृपा बराललाई सहयोग सामग्री हस्तान्तरण गर्दै कार्यक्रम उद्घाटन गरिएको थियो । जाडो मौसममा लगाउन मिल्ने कपडा तथा नगद स्वेच्छाले सहयोग गर्न सकिनेछ । संकलित सहयोग पोखराको कुनै वृद्धाश्रम एवं बालआश्रममा सहयोग गरिने प्राइमरी इन्चार्ज केशु शर्माले जानकारी दिइन् ।
Related News
सम्बन्धित समाचार
स्याङ्जा जिल्लाकै पहिलो विद्यालयको ७१ औं वार्षिकोत्सव
माछापुच्छ्रे माविलाई बस सहयोग
राष्ट्रिय माविमा पूर्व विद्यार्थीको सम्मान
हिमालय माविले स्वर्ण महोत्सव मनाउने
‘वन्यजन्तु संरक्षणमार्फत पर्यापर्यटन बढाऔं’
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१