पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने भएको छ ।

माधव वियोगी वाङ्मय प्रतिष्ठानको शनिबार बसेको बैठकले पहिलो प्लट उपाध्यायलाई सो पुरस्कार दिने निर्णय गरेको हो । नेपाली कविता लेखनका साथै भाषा र व्याकरणको सही रूप पहिचानका लागि अभियानात्मक कार्यमा सक्रियताका संलग्न भएवापत सो पुरस्कार प्रदान

गर्न लागिएको प्रतिष्ठानका अध्यक्ष रामनाथ अधिकारी सँगीले जानकारी गराए ।

१५ हजार रुपैयाँ राशिको उक्त पुरस्कार कात्तिक २९ गते छन्दनायक वियोगीको ६२ औ जन्मोत्सव अवसरमा प्रदान गरिने प्रतिष्ठान सचिव छन्दमणि त्रिपाठीले जनाए । २०२१ सालमा उपाध्यायले प्राकृतिक पोखरा काव्यका लागि मदन पुरस्कारसमेत प्राप्त गरेका थिए ।