पत्रकार नेपालीमाथि दुर्व्यवहार, यस्ता घटना दोहोरिन नदिने प्रहरी प्रतिबद्धता

आदर्श समाज सम्वाददाता
कार्तिक १७, २०७९
313856919_1257504475072883_7436260703129539821_n

प्रहरीसँग छलफलमा पत्रकार महासंघको टोली ।

पोखरा, १७ कात्तिक । पोखराका पत्रकार विजय नेपालीलाई बिहीबार समाचार संकलनका क्रममा भएको प्रहरी ज्यादतिप्रति जिल्ला प्रहरी कार्यालयले आइन्दा यस्ता घटना नदोहोर्याउने प्रतिबद्धता गरेको छ ।

प्रहरी जवानको कमजोर बुझाइले पत्रकार नेपालीमाथि दुव्र्यवहार हुन पुगेकोमा माफी माग्दै त्यस्तो व्यवहार नदोहोरिन नदिने जिप्रका कास्कीका प्रहरी प्रमुखर अजय केसीले प्रतिबद्धता जनाएका हुन् ।

नेपाल पत्रकार महासंघ कास्कीका कार्यसमिति सदस्य नेपालीलाई विहिबार नयाँबजारमा म्यादी प्रहरीसम्बन्धि समाचार संकलन गर्ने क्रममा फोटो खिचिएको भन्दै डिलिट गर्न लगाइएको थियो । साथै उनलाई कार्यक्रमस्थलबाट जबर्जस्त बाहिर पठाइएको थियो ।
महासंघ कास्की अध्यक्ष विमला भण्डारीसहितको पत्रकारको टोली प्रहरीले गरेको दुव्र्यवहारको घटनामा प्रहरी प्रशासन सच्चिन जरुरी भएको भन्दै प्रहरी कार्यालय पुगेको थियो ।

सो अवसरमा महासंघ अध्यक्ष भण्डारीले प्रहरी प्रशासनले पत्रकारहरुलाई हेर्ने गलत नजरकै कारण यस्तो घटना हुने गरेको बताउँदै पत्रकारिताप्रति प्रहरीको सोँच फेरिन जरुरी रहेको बताएकी थिइन् । उनले कुनै पनि बहानामा पत्रकारमाथिको धरपकड पत्रकार महासंघका लागि सह्य नभएको प्रस्ट पारिन् ।

छलफलमा पत्रकार महासंघ गण्डकी महासचिव गोविन्द सुवेदी, पत्रकार महासंघ कास्की पूर्व अध्यक्ष बद्रिविनोद प्रतिक, रामकृष्ण ज्ञवाली, दीपेन्द्र श्रेष्ठ लगायत संलग्न थिए ।

यसैबीच, सो घटनाको विरोधमा महासंघ गण्डकी महासचिव गोविन्द सुवेदी, नेपाल प्रेस युनियन कास्की सचिव प्रदीप पौडेल, प्रेस सेन्टर नेपाल कास्की समन्वय समितिका सचिव पुष्प दाहाल, प्रेस सेन्टर नेपाल पोखरा महानगर कमिटी अध्यक्ष शिवराज बस्ताकोटी शिवदाइ, लगायतले विज्ञप्ति जारी गर्दै प्रेस स्वतन्त्रता हनन हुन नदिने राज्य सचेत हुनुपर्ने बताएका थिए ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width