विश्वकै पुरानो क्रिकेट क्लबसँग नेपालको खेल

आदर्श समाज सम्वाददाता
कार्तिक १६, २०७९
MCC Cricket Photo

पोखरा । क्रिकेटको जननी क्लबको रुपमा चिनिन्छ–बेलायतको मेरीलिवोन क्रिकेट क्लब । यस क्लबले २३५ वर्षको इतिहास बोकेको छ । यो क्रिकेट क्लब सन् १७८७ मा स्थापना भएको हो । यही क्लबले क्रिकेटको नियम बनाएको हो ।

विश्वकै पुरानो क्रिकेट क्लब एमसिसी गएको कात्तिक ५ देखि नेपाल भ्रमणमा छ । सोही क्लबको महिला टोली नेपालमा क्रिकेट खेल्नकै लागि आएको हो । सोही अनुसार उक्त एमसिसीको महिला टोली पोखरा रंगशालामा आफ्नो अन्तिम खेल खेल्यो । अन्तिम खेलमा टोली नेपाली महिला टोलीसँग पराजित भयो ।

नेपाल बसाइँभर एमसिसीले ६ खेल खेल्यो । जसमा २ खेल जितेर ४ खेल हार्‍यो । आइसिसीको यु–१९ र मिक्स–११ लाई हराएको एमसिसीले नेपालको क्यान ११ सँगको सबै खेल हारेको हो । खेल हारजीतभन्दा पनि अनुभव आदानप्रदान उदाहरणीय बनेको नेपाली टिमकी कप्तात रुबिना क्षत्रीले बताइन् । ‘खेल जिते पनि हामीले राम्रो खेल्न सकेनौं । हामीलाई ४० ओभरको खेल्ने बानी पनि छैन्,’ उनले भनिन्, ‘क्रिकेटको पुरानो क्लबसँग खेल्नु ठूलो कुरा हो उहाँहरुसँग धेरै सिकियो ।’ यस खेलले आगामी खेलमा धेरै सहयोग पुग्ने उनले बताइन् ।

एमसिसीको टुर नेपाल आउनु आफूहरुको लागि सिक्ने अवसर भएको प्रशिक्षक जगत टमाटाले बताए । ‘एमसिसीले पनि एकदमै राम्रो टिम लिएर आएको थियो । उनीहरुसँग खेल्दा खेलाडीहरुमा आत्मविश्वास पनि बढेको छ,’ टमाटाले भने, ‘खेलाडीहरुको कन्फिडेन्ट बढेकाले हामीले सबै खेल पनि जित्यौं । हाम्रो लागि निकै राम्रो रह्यो ।’ टिमसँग खेलेर ४० ओभर खेल कसरी खेल्ने, आफूलाई मानसिकरुपमा कसरी तयार गर्ने र फिटनेसमा कति ध्यान दिनुपर्ने रहेछ भन्ने जस्ता धेरै विषयमा ज्ञान बढेको टमाटाले जानकारी दिए ।

नेपाल क्रिकेट संघ, कास्की अध्यक्ष सञ्जयकान्त सिग्देलले एमसिसीसँगको खेलले अनुभव आदानप्रदानमा सहयोग पुगेको बताए । ‘एमसिसीमा इङ्यान्डबाट विश्वकप खेलिसकेका खेलाडीहरु थिए । हाम्रा खेलाडीहरुले इङ्यान्डका खेलाडीहरुबाट अनुभव लिन पाएँ,’ सिग्देलले भने, ‘अनुभवी खेलाडीहरुसँग खेलेर जितेपछि नेपालीमा आत्मविश्वास बढेको छ ।’ यो प्रतियोगिताले नेपाली खेलाडीहरुको कमजोरी पनि देखिएको छ । जसलाई सुधार गरेर जाने अवसर मिलेको उनले बताए ।

Related News

सम्बन्धित समाचार

  • क्यान विवादबीच पोखरा बोर्ड बैठकका यस्ता छन् निर्णय

    विजय नेपाल माघ १८, २०७९
    पोखरा। नेपाल क्रिकेट संघ (क्यान) मा विद्यमान विवादबीच पोखरामा बसेको संघको बोर्ड बैठकले महत्वपूर्ण विभिन्न निर्णय गरेको छ । क्यानका…
  • सन्दीपमाथिको निलम्बन फुकुवा

    आदर्श समाज सम्वाददाता माघ १७, २०७९
    पोखरा । नेपाल क्रिकेट संघ (क्यान) ले नेपाली क्रिकेट टिमका पूर्वकप्तान सन्दीप लामिछानेमाथिको निलम्बन फुकुवा गरेको छ । नावालिका बलात्कार…
  • घरेलु मैदानमा नेपाललाई सफलता

    आदर्श समाज सम्वाददाता मंसिर ३, २०७९
    पोखरा । नेपालले युएईलाई शुक्रबार ६ विकेटले हराएर घरेलु मैदानमा पहिलो एक दिवसीय अन्तर्राष्ट्रिय (ओडीआई) शृंखला जितेको छ । नेपालले…
  • वाईवाई छनोट क्रिकेटमा नवलपुर च्याम्पियन

    आदर्श समाज सम्वाददाता कार्तिक ३०, २०७९
    पोखरा । वाईवाई गण्डकी प्रदेशस्तरीय क्रिकट छनोट प्रतियोगितामा नवलपुर लिगको शीर्षस्थानमा रहँदै च्याम्पियन बनेको छ । नवलपुरले ३ खेलमा पूरा…
  • स्याङ्जाद्वारा तनहुँ पराजित

    आदर्श समाज सम्वाददाता कार्तिक २९, २०७९
    पोखरा । वाईवाई गण्डकी प्रदेशस्तरीय क्रिकट छनौट प्रतियोगितामा स्याङ्जाले तनहुँलाई ५ विकेटले पराजित गरेको छ । क्रिकेट संघ, गण्डकीको आयोजनामा…

hero news full width