फुटबलर देवकोटालाई बगर भाइखलकको सहयोग

आदर्श समाज सम्वाददाता
कार्तिक १४, २०७९
anjan newsd

पोखरा । फुटबलर अञ्जन देवकोटालाई बगर भाइखलकले उपचारका लागि १ लाख आर्थिक सहयोग गरेको छ । पोखरेली फुटबलर देवकोटाको बायाँ घुँडाको शल्यक्रियाका लागि १ लाख सहयोग प्रदान गरिएको पूर्व राष्ट्रिय फुटबल खेलाडीसमेत रहेका भाइखलकका सदस्य ईश्वर (चन्द्र) गुरुङले जानकारी दिए । उनकाअनुसार पोखरा महानगरपालिका १ निवासी फुटबलर देवकोटालाई स्पोर्टस् क्यासलमा शनिबार सहयोग रकम हस्तान्तरण गरिएको हो ।

फुटबलर देवकोटा दमौलीमा भएको खेलमा घाइते भएका थिए । ‘उनको सामान्य उपचारले मात्रै नहुने भएपछि अप्रेसन नै गर्नुपर्ने भनिएपछि हामीले केही आर्थिक सहयोग गरेका हौं,’ गुरुङले भने, ‘यो सहयोग रकम यथेष्ट नभए पनि केही सघाउ पुग्नेछ ।’

सहयोग ग्रहणपश्चात् देवकोटाले बगर भाइखलकप्रति आभार प्रकट गरे । ‘मेरो खुट्टाको उपचारका लागि भाइखलकका मामाहरुले सहयोग जुटाइदिनु भयो । त्यसको लागि बगर भाइखलकका मामाहरुप्रति एकदमै आभारी छु,’ उनले भने ।

उनले बगर भाइखलकसँगै अन्य विभिन्न व्यक्तित्वले समेत सहयोग प्रदान गरिरहेको जानकारी दिँदैं सफल अप्रेसनपछि फेरि खेलमा फर्किने बताए । ‘मेरो अप्रेसन सफल भइसकेपछि डाक्टरको सल्लाह सुझावअनुसार म केही महिनाको बेडरेस्टमा हुनेछु, ‘पूर्णरुपमा ठीक भएपछि फेरि मैदानमा फर्किनेछु ।’

फुटबलर देवकोटा विभिन्न प्रतिष्ठित क्लबहरुबाट फुटबल प्रतियोगिता खेल्दै आएका थिए ।

सोही कार्यक्रमकै अवसरमा पोर्चुगल जान लागेका क्लबका खगेन्द्र गुरुङ (कान्छा) लाई खलकका पदाधिकारीले खादा लगाएर बिदाइ गरेका छन् ।

Related News

सम्बन्धित समाचार

  • बहिरा संघको फुटबल सुरु

    आदर्श समाज सम्वाददाता माघ २०, २०७९
    पोखरा। गण्डकी बहिरा संघअन्तर्गत बहिरा युवा खेलकुद समितिको आयोजनामा शुक्रबारदेखि पोखरामा दोस्रो सेभेन ए साइड राष्ट्रिय फुटबल प्रतियोगिता सुरु भएको छ…
  • क्युपेकमा सेभन ए साइड फुटबल प्रतियोगिता

    आदर्श समाज सम्वाददाता माघ १५, २०७९
    पोखरा । नेपाल बिजुली पेन्टर प्लम्बर तथा निर्माण मजदुर युनियन (क्युपेक) नेपाल जिल्ला कमिटी कास्कीले प्रथम जिल्लास्तरीय सेभेन ए साइड…
  • कुलपति रनिङ सिल्डः उपाधिका लागि भद्रकाली र कालिका भिड्दै

    आदर्श समाज सम्वाददाता माघ १२, २०७९
    पोखरा । प्रथम कुलपति रनिङ सिल्ड फुटबल प्रतियोगिताको उपाधिका लागि कालिका माध्यमिक विद्यालय र भद्रकाली माध्यमिक विद्यालय भिड्ने भएका छन्…
  • कुलपति रनिङ सिल्डः सेमिफाइनल समिकरण पूरा

    आदर्श समाज सम्वाददाता माघ ११, २०७९
    पोखरा । प्रथम कुलपति रनिङ सिल्ड फुटबल प्रतियोगिताको सेमिफाइनल समिकरण पूरा भएको छ । गण्डकी विश्वविद्यालय आयोजनामा जारी प्रतियोगिताको सेमिफाइनलमा…
  • कुलपति रनिङ सिल्डमा इन्द्र राज्यलक्ष्मी सेमीमा

    आदर्श समाज सम्वाददाता माघ १०, २०७९
    पोखरा । इन्द्र राज्यलक्ष्मी मावि कुलपति रनिङ सिल्ड फुटबल प्रतियोगिताको सेमिफाइलन प्रवेश गरेको छ । पोखरा रंगशालामा मंगलबार क्वाटरफाइनलमा छोरेपाटन माविलाई…

hero news full width