नवलपुरमा काव्य सुधा

आदर्श समाज सम्वाददाता
कार्तिक १४, २०७९
gaidakot kabya sudhad

गैंडाकोट । मानव अधिकार तथा शान्ति समाज नवलपुरले शान्ति काव्य सुधा कार्यक्रम गरेको छ । महाकवि लक्ष्मीप्रसाद देवकोटाको ११४औं जन्मजयन्तीको अवसरमा गैंडाकोटमा आयोजना गरिएको कार्यक्रममा चितवन तथा नवलपुरका साहित्यकारको उपस्थिति थियो ।

शान्ति समाज नवलपरासीका संस्थापक सभापति एवं वरिष्ठ साहित्यकार गोविन्दराज विनोदी प्रमुख अतिथि रहेको कार्यक्रममा विनोदीले महाकविको अनुशरण बिना नेपाली समाज र साहित्य अपुरो हुने बताउँदै महाकविको रचनावाचन गरेका थिए ।

कार्यक्रममा शान्ति समाजका पूर्व केन्द्रीय अध्यक्ष डा. गंगाधर अधिकारीले महाकविका विषयमा सोधखोज अझैसम्म पूरा हुन नसकेको र समाजले चिन्न नसकेकोमा दुःख व्यक्त गरे ।

मानव अधिकार तथा शान्ति समाजका पूर्व केन्द्रीय सचिव राजेन्द्र पौडेल, पूर्व अध्यक्ष रामहरि शर्मा शराह, निवर्तमान अध्यक्ष सुरेन्द्रराज अधिकारी, चितवन सभापति शम्भु रावतसँगै छवि कँडेल, वेदप्रसाद गौडेल, श्रीधर उपाध्याय पुष्प अधिकारी, हरि प्रिया रिजाल, इन्द्रराज पौडेल, विदुर अधिकारी, विष्णु पन्थी, शंकर आचार्य, उदयनाथ रेग्मी, राजेन्द्र घायलको उपस्थिति थियो । मुना धनञ्जयको स्वागत मन्तव्यसँगै सुरु भएको कार्यक्रममा मानव अधिकार, शान्ति, लोकतन्त्र र अहिंसाका लागि दीप प्रज्ज्वलन गर्दै कार्यक्रमको उद्घाटन गरिएको थियो । उद्योग वाणिज्य संघ गैंडाकोटमा भएको कार्यक्रमको सहजीकरण जिल्ला शाखा सदस्य सुजन अधिकारीले गरेका थिए ।

Related News

सम्बन्धित समाचार

  • ‘आधा शिर उचालेर’ को चर्चा

    आदर्श समाज सम्वाददाता मंसिर ११, २०७९
    पोखरा । कवि ज्योति जंगलको कविता कृति ‘आधा शिर उचालेर’ माथि पोखरामा शनिबार परिचर्चा गरिएको छ । कविता क्लब नेपालको…
  • ‘केपी ओली’ नामक भिडियो सार्वजनिक

    आदर्श समाज सम्वाददाता कार्तिक २२, २०७९
    पोखरा, २२ कात्तिक । राष्ट्रिय युवा संघ नेपाल गण्डकी प्रदेश सहसंयोजक विकास अधिकारीले चुनाव केन्द्रित ‘केपी ओली’ नामक गीति भिडियो…
  • लेखक संघ गण्डकीमा ईश्वरमणि अधिकारी

    आदर्श समाज सम्वाददाता कार्तिक २०, २०७९
    पोखरा ।  नेपाली लेखक संघ गण्डकी प्रदेशको प्रथम अधिवेशन तथा गण्डकी काव्य गोष्ठी सम्पन्न भएको छ । अधिवेशनले डा. ईश्वरमणि…
  • मुकुन्दशरणलाई माधव वियोगी पुरस्कार

    आदर्श समाज सम्वाददाता कार्तिक २०, २०७९
    पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने…
  • गण्डकी बहुप्राविधिक शिक्षालयमा वादविवाद सम्पन्न

    आदर्श समाज सम्वाददाता कार्तिक १७, २०७९
    पोखरा । गण्डकी बहुप्राविधिक शिक्षालय, भण्डारढिकमा वादविवाद प्रतियोगिता सम्पन्न भएको छ । ‘सामाजिक सञ्जाल अभिशाप नभई वरदान’ शीर्षकमा सो वादविवाद…

hero news full width