पोखरा । नवौं राष्ट्रिय खेलकुदअन्तर्गत पुरुष फुटबलमा समूह ‘बि’ को विजेता बन्दै एफिएफ सेमिफाइनल प्रवेश गरेको छ ।

लामाचौरस्थित गोस्तेघाट खेल मैदानमा भएको समूह चरणको अन्तिम खेलमा एफिएफले वागमतीलाई ३–१ गोलले पाखा लगाउँदै सेमिफाइनल स्थान पक्का गरेको हो । जीतसँगै ६ अंकका साथ एफिएफ शीर्षस्थानमा रहँदै सेमिफाइनलमा प्रवेश गरेको हो । पहिलो हाफमा १ गोलले पछि परेको एपिएफले दोस्रो पुनरागमनसहित जीत हात पारेको हो ।

यसअघि एपिएफले मधेश प्रदेशलाई ६–० ले हराएको थियो भने बागमतीले मधेशलाई २–० ले हराएको थियो । हारसँगै अंक मधेश प्रदेश लिगचरणबाटै बाहिरिएको छ ।

यस्तै पुरुष फुटबल लिग चरणको अन्तिम खेलमा नेपाल पुलिसले लुम्बिनी प्रदेशलाई ४–१ गोल अन्तरले हराएको छ । समूह ‘सी’ अन्तर्गत भएको खेलमा पुलिसले सानदार जीत निकालेको हो । समूह सी बाट आर्मी शीर्षस्थानमा रहँदै फाइनल प्रवेश गर्दा पुलिस र लुम्बिनी बाहिरिएको थियो । पुलिसको जितमा कुलदिपले २ तथा आशीष श्रेष्ठ र बुद्धबल तामाङले समान १ गोल गरे । लम्बिनीका लागि फागु राम थारुले १ गोल गरे । उता, समूह ‘ए’ अन्तर्गत रद्द भएके एनआरएन र गण्डकी प्रदेशबीचको खेलको निर्णय गण्डकीको पक्षमा गएको छ ।