पोखरा । प्रदेशसभा स्थापना भएपछि सांसद र उनीहरूको स्वकीय सचिवले मात्रै साढे ३३ करोड रुपैयाँ तलबभत्ता र सुविधा बुझेका छन् । ५ वर्ष अवधिमा ३३ करोड ४३ लाख रुपैयाँ खर्च भएको संसद् सचिवालयले जनाएको छ ।
प्रदेशसभाका सदस्य र पदाधिकारीको पारिश्रमिकमा सबैभन्दा धेरै १५ करोड ६५ लाख खर्च भएको छ । उनीहरूका स्वकीय सचिव, कार्यालय सहयोगी र सवारी चालकले ७ करोड ४३ लाख बुझेका छन् । २ वर्षसम्म स्वकीय सचिवको व्यवस्था थिएन । पछिल्लो ३ वर्षमा बुझेको खर्च ७ करोड ४३ लाख हो । सदन र समितिहरूको बैठक भत्तामा २ करोड ५३ लाख रुपैयाँ खर्च भएको संसद् सचिवालयले जनाएको छ । सांसदहरूको आवास, फर्निचर, संचार, धारा, बिजुली र निजी सचिवालय बन्दोबस्तका लागि ५ करोड ४० लाख तथा इन्धन र मोबिलका लागि ६१ लाख खर्च भएको छ ।
यस्तै, ५ वर्ष अवधिमा चियापानमा मात्रै करिब १ करोड खर्च भएको छ । प्रदेशसभा बैठक र समितिको चियापानमा करिब ३० लाख र संसदीय दलको चियापानमा करिब ६५ लाख खर्च भएको हो । सांसदहरुबीच शुभकामना आदानप्रदान, अन्तरक्रिया र अन्तरप्रदेश भ्रमणमा ३३ लाख ४१ हजार खर्च भएको छ । पहिलो आर्थिक वर्ष २०७४/०७५ को ४ महिनामा २ करोड ५८ लाख निकासा गएको देखिन्छ भने पछिल्लो वर्ष ५ करोड २० लाख निकासा भएको छ ।
यस्तै, आव २०७६/०७७ मा सबैभन्दा धेरै ८ करोड ४६ लाख, २०७७/०७८ मा ८ करोड २४ लाख, २०७८/०८९ मा ७ करोड ८६ लाख र चालु वर्षको हालसम्म १ करोड ६ लाख खर्च भएको देखिन्छ । त्यसबाहेक मन्त्रीहरूको हिसाब यहाँ जोडिंदैन । उनीहरूको पारिश्रमिक, सुविधादेखि सचिवालय बन्दोबस्तीसम्मका खर्च मुख्यमन्त्री कार्यालयमार्फत हुन्छ । हाल गण्डकीमा १२ जना मन्त्री छन् भने ४६ जना सांसद छन् ।
संसदका पदाधिकारीले गाडी फर्काएनन्
असोज १ देखि सांसदहरुको पद छैन । उनीहरुले १ साताभित्रै सरकारी सुविधा फिर्ता गर्नुपर्छ । तर गण्डकीका सबैजसो पदाधिकारीले सुविधावापतको गाडी र ल्यापटप फिर्ता गरेका छैनन् । प्रमुख प्रतिपक्षी दलका नेता तथा पूर्व मुख्यमन्त्री पृथ्वीसुब्बा गुरुङदेखि दलका संसदीय नेताहरु, प्रमुख सचेतक र संसदीय समितिका सभापतिहरु कसैले पनि गाडी सचिवालयमा फिर्ता गरेका छैनन् ।
सुरुआतदेखि ५ वर्षको अवधिमा चियापानमा मात्रै करिब १ करोड खर्च भएको छ
गाडी सुविधा लिनेमा माओवादी संसदीय दलका नेता हरिबहादुर चुमान, जनमोर्चा संसदीय दलका नेता पियारी थापा, एमाले प्रमुख सचेतक मायानाथ अधिकारी, कांग्रेस प्रमुख सचेतक ओमकला गौतम, माओवादी प्रमुख सचेतक गायत्री गुरुङ र जनता समाजवादी पार्टीका प्रमुख सचेतक धनमाया लामा पोखरेल छन् ।
यस्तै, विधायन समिति सभापति विष्णुप्रसाद लामिछाने, सार्वजनिक लेखा समिति सभापति रोशन गाहा, अर्थ तथा विकास समिति सभापति दीपक कोइराला र प्रदेश मामिला समिति सभापति खिमविक्रम शाहीले गाडी र ल्यापटप सुविधा लिएका थिए ।
गाडी फिर्ता गर्न गए पनि कार्यकाल नसकिएको भन्दै सचिवालयले नै गाडीको चाबी लिन नमानेको विधायन समिति सभापति लामिछाने बताउँछन् । ‘म गाडी फिर्ता गर्नकै लागि असोज १ गते काठमाडौंबाट पोखरा आएको थिएँ । सचिवज्यूले अहिले फिर्ता गर्नु पर्दैन भन्नुभयो । कार्यकालबारे माथिबाट कुनै परिपत्र नआएको र अझै सुविधा प्रयोग गर्न मिल्ने भनेपछि म फर्किएको हुँ,’ उनले भने, ‘त्यो दिनदेखि मैले गाडी प्रयोग गरेको छैन । म काठमाडौं छु । गाडी पोखरामा छ ।’ १४ गते संसद सचिवालयले नै सबैलाई बिदाइ कार्यक्रम आयोजना गरेको र सोही दिन एकै पटक फिर्ता गर्ने तयारी भएको उनले बताए ।
कांग्रेस प्रमुख सचेतक ओमकला चालिसेले भने आफूले गाडी फिर्ता गरिसकेको बताइन् । ‘मैले सचिवालयमा गाडीको चाबी र गाडी छोडेकी छु । सचिवले नै अहिले पर्दैन भन्नुभएको हो,’ उनले भनिन्, ‘चढ्ने मोहले गाडी राखेको होइन । हाम्रो कार्यकाल कहिलेसम्म भन्ने नै अहिलेसम्म टुंगो लागेको छैन ।’ प्रदेशसभा सचिवालयका स्टोर प्रमुख झनक अधिकारीले पनि केही पदाधिकारीले फिर्ता गर्न चाहे पनि फिर्ता नभएको बताए ।
‘सभामुख र सचिवज्यूसँग भेटेर जानु भएको भए मलाई थाहा भएन । फिर्ता गरेको अद्यावधिक मसम्म आइपुगेको छैन’ उनले भने, ‘गाडी फर्काउनु भएको भए त्यसको अभिलेख राख्ने मैले हो ।’ पदाधिकारीहरुले असोज १४ गते नै गाडी र सुविधा फिर्ता गर्ने बताएका छन् । १४ गते संसद सचिवालयले सबै सांसदलाई दसैंको शुभकामनासहित बिदाइ कार्यक्रम आयोजना गरेको छ ।
Related News
सम्बन्धित समाचार
स्याङ्जा जिल्लाकै पहिलो विद्यालयको ७१ औं वार्षिकोत्सव
पोखराको चाउथेमा गएराति स्कुटर दुर्घटनामा एक किशोरीको मृत्यु
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
रोजगार खोज्दै मेलामा
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१