पोखरा । नेपालका यौनिक तथा लैंगिक अल्पसंख्यक समुदाय (पारलैंगिक) मध्ये ‘अन्य’ लैंगिक पहिचानबाट १ सय ८३ जनाले नागरिकता लिइसकेका छन् । तीमध्ये कास्कीका ४५ जना छन् ।
तर कुनै पनि देशको ५ प्रतिशत पारलैंगिक हुने हुँदा नेपालमा पारलैंगिकको जनसंख्या ९/१० लाख रहेको नीलहिरा समाजको आकलन छ । उनीहरु विविध कारण आफ्नो पहिचान खुलाउन चाहँदैनन् ।
पारलैंगिक यौनिक तथा लैङ्गिक अल्पसंख्यक समुदायको आवाजको निम्ति नीलहिरा समाज स्थापना भएको हो । संस्थाकै पहलमा सर्वोच्चले पहिलो पटक सन् २००७ मा नागरिकलाई पहिचानसहितको मौलिक अधिकार र स्वतन्त्रताको उपभोग गर्न नदिने सबै कानुन भेदभावपूर्ण मानिने व्याख्या ग¥यो ।
नेपालमा पारलैंगिक समुदायलाई सन् २०१३ देखि नागरिकता र २०१५ देखि राहदानी प्रदान गर्न सुरु भयो । तर, नागरिकता लिन सहज नभएको अधिकारकर्मीको टिप्पणी छ । हाल नेपालमा यौनिक तथा अल्पसंख्यकलाई नागरिकतामा ‘अन्य’ भन्दै नागरिकता दिने गरिन्छ । नेपालको संविधान धारा १८ ले पहिचानसहितको नागरिकता उपलब्ध गराउने उल्लेख गरेको भए पनि उनीहरु अझै पनि पारलैंगिकको पहिचान दिएर नागरिकता लिन वञ्चित छन् ।
नागरिकता बनाउनकै लागि लिंग परिवर्तन गरेको प्रमाण पेस गर्नुपर्ने बाध्यता छ । मेडिकल रिपोर्ट देखाएपछि नागरिकतामा ‘अन्य’ लेख्न पाइने गरेको नौलो घुम्ती नेपाल, पोखराका कार्यालय प्रमुख रजनी थकालीले बताइन् ।
विडम्बना, नागरिकता लिनकै लागि केहीले नाङ्गिनु पर्ने बाध्यता रहेको थकाली बताउँछिन्
विडम्बना, नागरिकता लिनकै लागि केहीले नाङ्गिनु पर्ने बाध्यता रहेको थकाली बताउँछिन् । जुन कार्य अन्यायपूर्ण र मानवअधिकारविरुद्ध हो । आफ्नो अधिकार लिन उनीहरु हिंसा सहन बाध्य छन् । ‘मेडिकल प्रुफको सर्टिफिकेट ल्याएपछि मात्र नागरिकता दिनेखालको कुरा छ । कति जनाले त लिङ्ग परिवर्तन गर्नुभयो । एउटा सरकारी अस्पतालमा मेडिकल बक्स छ त्यहाँ चिकित्सकले निवस्त्र गराउनुहुन्छ । होकि होइन भनेर भेरिफाइ गर्नुहुन्छ,’ उनले भने, ‘हामीले हाम्रो पहिचान यो हो भनेर भन्दा देखाउनु पर्ने ? यो एकदम दुखको कुरा हो । त्यो भन्दा अगाडि जुन जतिले लिङ्ग परिवर्तन गर्नुभएको छ । उहाँहरु सबैले गएर देखाउनु भएको छ । पछि, आएर अन्यमा लिए पनि मेडिकल प्रफु चाहिं देखाउनुपर्छ ।’
विभेदपूर्ण कानुनले आफूहरु अन्यायमा परेको उनी बताउँछिन् । सबै पारलैंगिकले लिङ्ग परिवर्तन गर्न सक्ने अवस्था नरहेकोले यो नियम विभेदकारी रहेको उनको भनाइ छ । ‘हामीले नागरिकता लिंदा नाङ्गो हुनुपर्ने कानुनमा लेखेको छैन तर ट्रान्सजेन्डरले नागरिकता लिंदा नाङ्गिनु पर्छ । सबै ट्रान्सजेन्डरले लिङ्ग परिवर्तन नगर्न सक्छन्,’ उनले भनिन्, ‘आर्थिक स्रोत हुनु प¥यो । लिङ्ग परिवर्तन कसरी गर्ने दक्ष जनशक्तिको कमी छ । हाम्रो समुदायको आर्थिक अवस्था पनि कमजोर छ । सबै आधारमा हामीलाई विभेद हो ।’
नागरिकताका लागि निवस्त्र हुनुपर्ने बाध्यताले आत्मसम्मानमा चोट पुगेको नीलहिरा समाजका कार्यक्रम अधिकृत एलेन भण्डारीको गुनासो छ । उनले पनि अहिलेसम्म पारलैंगिकका रुपमा नागरिकता पाएका छैनन् । जन्मदा केटीको स्वरुपमा जन्मेका एलेनको नाम एलिना हो तर उनी एलेन भन्न रुचाउँछन् । उनले आफूमा परिवर्तन गर्नकै लागि केटाको हर्मोन लिए, स्तन र पाठेघर फ्याँकेर केटाको भेषमा बदलिए पनि उनले आफ्नो पहिचानको नागकिता पाउन वञ्चित छन् । नियम विभेदकारी भइरहँदा आफूहरुले थप हिंसा भोग्नुपर्ने अवस्था रहेको उनको गुनासो छ ।
‘हामीलाई मिलेसम्म हाम्रै पहिचानको नागरिकता चाहिन्छ । त्यसकै लागि संघर्ष गरिरहेका छौं,’ उनले भने, ‘माथिबाट हाम्रो प्रकार नागरिकतामा राख्दा लामो भयो भन्ने प्रतिक्रिया दिनुुहुन्छ । त्यसैले अन्य लेखिएको हो । हामी आफ्नो पहिचानका लागि संघर्षमै छौं ।’
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१