‘अपांगमैत्री कास्की बनाउन पहल गरिनेछ’

आदर्श समाज सम्वाददाता
असाेज ३, २०७९
netrahin

पोखरा । कास्की नेत्रहीन संघको २५ औं वार्षिक साधारण सभा र समदृष्टि बचत तथा ऋण सहकारी संस्था लिमिटेडको एघारौं वार्षिक साधारण सभा तथा छैटौं अधिवेशन शनिबार भएको छ ।

अधिवेशन जिल्ला समन्वय समिति कास्कीका प्रमुख लीलाधर पौडेलले उद्घाटन गरे । पौडेलले कास्कीका अधिकांश विकास संरचना र भौतिक पूर्वाधार अपांगमैत्री नभएको भन्ने विषयका सन्दर्भमा आफ्नो गम्भीर ध्यानाकर्षण भएको भन्दै अपांग मैत्री जिल्लाको रूपमा स्थापित गर्न आफूले समन्वयात्मक भूमिका निर्वाह गर्ने प्रतिबद्धता व्यक्त गरे ।

सुन्दर कास्कीलाई हरेक दृष्टिकोणबाट सुन्दर बनाउन कास्कीका पाँचओटै पालिकालाई आग्रह गर्ने बताए । पौडेलले अपांगता भएका व्यक्तिलाई हेर्ने दृष्टिकोण परिवर्तन गर्नुपर्ने र सो भएमात्रै सामाजिक रुपान्तरणको विषय सार्थक हुने बताए ।

कार्यक्रमका वक्ताहरुले कास्कीका सडकसहित विकासका भौतिक पूर्वाधार अपांगमैत्री नहुँदा आफूहरूले कठिनाइ भोग्नु परेको भन्दै समाधान गरिदिन पौडेलको ध्यानाकर्षण गराएका थिए ।

कास्की नेत्रहीन संघका अध्यक्ष श्रीकान्त सापकोटाको अध्यक्षतामा भएको कार्यक्रममा राष्ट्रिय अपांग महासंघका केन्द्रीय उपाध्यक्ष खोमराज शर्मा, राष्ट्रिय अपांग महासंघ केन्द्रीय सदस्य रमेश पोख्रेल, नेत्रहीन संघ गण्डकीका अध्यक्ष लक्ष्मण सुवेदी समदृष्टि सहकारीका पूर्व अध्यक्ष शोभा पौडेल, समदृष्टि सहकारीका अध्यक्ष शिशिर खनाल, अपांगमैत्री समाज कास्कीका अध्यक्ष सन्तबहादुर परियार, नेत्रहीन महिला संघ कास्कीका अध्यक्ष कमला शर्मा, पोखरा महानगरपालिकाका सामाजिक विकास अधिकृत राधा विक लगायतले बोलेका थिए ।

Related News

सम्बन्धित समाचार

  • ‘महिला हिंसा अन्त्य गर्न कडा कानुन’

    आदर्श समाज सम्वाददाता मंसिर १९, २०७९
    पोखरा । गण्डकी प्रदेशका शिक्षा, संस्कृति, विज्ञान, प्रविधि तथा सामाजिक विकास मन्त्री मेखलाल श्रेष्ठले महिला हिंसा अन्त्यका कडा कानुन बनाउनुपर्ने…
  • पोखरा महोत्सव सफल पार्न ३७ उपसमिति र संयोजक चयन

    आदर्श समाज सम्वाददाता मंसिर १९, २०७९
    पोखरा । एघारौं संस्करणको पोखरा महोत्सव २०७९ सफल बनाउन विभिन्न ३७ उपसमितिहरु गठन गरी संयोजक तोकिएको छ । महोत्सव सफल…
  • स्टेप बाइ स्टेप माविमा खेलकुद

    आदर्श समाज सम्वाददाता मंसिर १९, २०७९
    पोखरा । स्टेप बाइ स्टेप मावि पोखरामा ३४ औं वार्षिक खेलकुद प्रतियोगिता आइतबार सुरु भएको छ । विद्यालयका संस्थापक निर्देशक…
  • हिंसाको प्रतिकार गर्नुपर्नेमा जोड

    आदर्श समाज सम्वाददाता मंसिर १९, २०७९
    पोखरा । हिंसा सहेर बस्न नहुने, हिंसाको प्रतिकार गर्नुपर्ने शनिबार पोखरामा आयोजित एक कार्यक्रमका वक्ताहरुले जोड दिएका छन् । सञ्चारिका…
  • शिवशक्ति क्याम्पसका प्रमुखमा चन्द्रकान्त नियुक्त

    आदर्श समाज सम्वाददाता मंसिर १९, २०७९
    पोखरा । पोखरा–११, फूलबारीस्थित शिवशक्ति क्याम्पसको प्रमुखमा सहप्राध्यापक चन्द्रकान्त रेग्मी नियुक्त भएका छन् । क्याम्पस सञ्चालक समितिका अध्यक्ष टुवराज बास्तोला…

hero news full width