पोखरा । पोखरा १९ पुरञ्चौरस्थित तल्लाकोटकी १ सय ७ वर्षीया ज्येष्ठ नागरिक बालुदेवी ढुंगानालाई ज्येष्ठ नागरिक सरोकार समाज नेपालले सम्मान गरेको छ । स्थानीय विन्ध्येश्वरी माविको सभाहलमा ढुंगानालाई फूलमाला, अविर, दोसल्ला र सम्मानपत्रसहित अभिनन्दन गरिएको समाजका महासचिव विष्णुप्रसाद पौडेलले जानकारी दिए ।
कार्यक्रममा पोखरा १९ का अध्यक्ष पुष्पेन्द्र पाण्डे लगायतले ढुंगानालाई सम्मान गरेका थिए । ढुंगाना १९७२ साल वैशाख २ गते पोखरा १९ को टाकुराटोलमा पिता तुलाराम बास्तोला र माता स्वरुपाको कोखबाट कान्छी छोरीको रुपमा जन्मिएकी हुन् । आठ वर्षको उमेरमा तल्लाकोटका कलाधर ढुंगानासँग उनको वैवाहिक सम्बन्ध कायम भएको थियो ।
ज्येष्ठ नागरिक सरोकार समाज नेपालले बालुदेवीलाई पोखरा र सत्यमोहनलाई ललितपुरमा सम्मान गरेको हो
कार्यक्रममा ढुंगानाका माइला छोरा नारायण, कान्छा छोरा चिन्तामणि, बुहारीहरु डिलमाया, भीमकुमारी, नानीमाया, छोरीहरु दुर्गा सुवेदी, विमला बास्तोला र मैया सुवेदीसहित नातिनातिनी बुहारीलाई पनि खादा र मालाले सम्मान गरिएको थियो ।
समाजका अध्यक्ष समाजसेवी भक्तराज श्रेष्ठको अध्यक्षतामा भएको कार्यक्रममा सहअध्यक्षता समाजका केन्द्रीय आमन्त्रित सदस्य एवं समाजको पुरञ्चौर शाखाका अध्यक्ष पद्मा गौतम (राधा) ले गरेकी थिइन् । समाजका उपाध्यक्ष केशवप्रसाद ढकालले कार्यक्रममा धन्यवाद ज्ञापन गरे ।
यसैबीच संस्कृतिविद् एवं साहित्यकार सत्यमोहन जोशीलाई पनि समाजले उनकै निवास ललितपुरस्थित बकुँबहालमा एक कार्यक्रमको आयोजना गरी अभिनन्दन गरेको छ । १ सय ३ वर्षीय जोशीलाई फूलमाला, दोसल्ला र सम्मानपत्रसहित अभिनन्दन गरिएको समाजका अध्यक्ष भक्तराज श्रेष्ठले जानकारी दिए । कार्यक्रममा जोशीकी धर्मपत्नी ९९ वर्षीया राधादेवीलाई पनि सम्मान गरिएको थियो । पत्रकार कमल पौडेल अथकले शुभकामना मन्तव्य व्यक्त गरे भने आर्थिक व्यवस्थापन समितिका कोषाध्यक्ष रामजीप्रसाद कोइरालाले गरेका थिए । कार्यक्रम सञ्चालन महासचिव पौडेलले गरेका थिए ।
Related News
सम्बन्धित समाचार
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
भुलभुला देवीमा ट्रस्ट भवन उद्घाटन
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१