सरोजगोपाल स्मृति सांगीतिक साँझ

आदर्श समाज सम्वाददाता
असाेज १, २०७९
saroj gopal smriti sanjh tayari puraa

पोखरा । कालजयी गीतका संकलक तथा गायक सरोजगोपाल बज्राचार्यको आठौं स्मृति दिवस अवसरमा सरोजगोपाल स्मृति सांगीतिक साँझ हुने भएको छ ।

स्व.सरोज गोपालले आफ्नो जीवनकालमा विभिन्न कालजयी गीतहरुमा संगीत बद्घ गर्नुका साथै आफ्नो मौलिक आवाज दिएका थिए ।

‘देउराली उकाली चढेर’, ‘नक्कलीलाई भगााइ लग्यो झिल्केले’, ‘दाइको घर कहाँ हो कहाँ’, ‘करोडौं मुटुहरुको ढुकढुकी’ लगायत दर्जनौं चर्चित लोक तथा राष्ट्रिय गीतले गर्दा आमनेपालीले सम्झिरहने नाम हो–सरोज गोपाल बज्राचार्य । आज फेरि तिनै चर्चितगायक बज्राचार्यको स्मृतिमा पोखरेली युवा सांस्कृतिक परिवारले सरोज गोपाल स्मृति सांगीतिक साँझको आयोजना गर्न लागेको छ ।

२००९ मंसिर २ मा जन्मिएका गोपाल बज्राचार्य भए पनि गीत गाउन थालेपछि उनले सर्जक जातपातभन्दा माथि हुन्छ भन्दै आफ्नो नामै फेरेर सरोजगोपाल बनाएका थिए । सयौं गीत गाएका उनलाई यसै नामले संसारले चिन्यो ।

नगर विकास प्रशिक्षण केन्द्रमा लामो समय जागिरे जीवन बिताएका उनले ०४७ सालताका त्यहाँबाट स्वैच्छिक अवकास लिएका थिए । त्यसपछि उनले रेडियो नेपालको पोखरास्थित क्षेत्रीय प्रसारण केन्द्रमा लामै समय कार्यक्रम प्रमुखका रुपमा सेवा गरे । माछापुच्छ्रे एफएममा स्टेसन प्रमुखरुपमा काम गरे । उनले गायिका श्रीमती बाबा राणासँग मिलेर पोखरामै ‘सरोज बाबा युगल साँझ’ मा गीत गाएका थिए । २०७१ साउन २९ गते ६५ वर्षको उमेरमा बज्राचार्यको निधन भएको थियो ।

पोखरेली युवा सांस्कृतिक परिवारका संस्थापक अध्यक्षसमेत रहेका बज्राचार्यको सम्झनामा असोज १ पोखरा उद्योग वाणिज्य संघमा हुने सांगीतिक साँझको तयारी पूरा भएको परिवारका अध्यक्ष मोती भुजेलले बताए ।

संगीतकार सुनिल थापाको संगीत संयोजन रहने उक्त सांगीतिक साँझमा गायक गायिका तारा थापा, बाबा राणा, कविता आलेमगर, रामभक्त जोजिजू, विनोद बानियाँ, इतु जोजिजू, वीनित जोजिजू, फिरोजगोपाल बज्राचार्य लगायतको सुमधुर स्वरमा सरोज गोपालका गीत सुन्न सकिने छ ।

Related News

सम्बन्धित समाचार

  • ‘महिला हिंसा अन्त्य गर्न कडा कानुन’

    आदर्श समाज सम्वाददाता मंसिर १९, २०७९
    पोखरा । गण्डकी प्रदेशका शिक्षा, संस्कृति, विज्ञान, प्रविधि तथा सामाजिक विकास मन्त्री मेखलाल श्रेष्ठले महिला हिंसा अन्त्यका कडा कानुन बनाउनुपर्ने…
  • पोखरा महोत्सव सफल पार्न ३७ उपसमिति र संयोजक चयन

    आदर्श समाज सम्वाददाता मंसिर १९, २०७९
    पोखरा । एघारौं संस्करणको पोखरा महोत्सव २०७९ सफल बनाउन विभिन्न ३७ उपसमितिहरु गठन गरी संयोजक तोकिएको छ । महोत्सव सफल…
  • स्टेप बाइ स्टेप माविमा खेलकुद

    आदर्श समाज सम्वाददाता मंसिर १९, २०७९
    पोखरा । स्टेप बाइ स्टेप मावि पोखरामा ३४ औं वार्षिक खेलकुद प्रतियोगिता आइतबार सुरु भएको छ । विद्यालयका संस्थापक निर्देशक…
  • हिंसाको प्रतिकार गर्नुपर्नेमा जोड

    आदर्श समाज सम्वाददाता मंसिर १९, २०७९
    पोखरा । हिंसा सहेर बस्न नहुने, हिंसाको प्रतिकार गर्नुपर्ने शनिबार पोखरामा आयोजित एक कार्यक्रमका वक्ताहरुले जोड दिएका छन् । सञ्चारिका…
  • शिवशक्ति क्याम्पसका प्रमुखमा चन्द्रकान्त नियुक्त

    आदर्श समाज सम्वाददाता मंसिर १९, २०७९
    पोखरा । पोखरा–११, फूलबारीस्थित शिवशक्ति क्याम्पसको प्रमुखमा सहप्राध्यापक चन्द्रकान्त रेग्मी नियुक्त भएका छन् । क्याम्पस सञ्चालक समितिका अध्यक्ष टुवराज बास्तोला…

hero news full width