पोखरा । भिएडब्लु इन्टरप्राइजेज यामाहा पोखराले शनिबार माइलेज च्यालेन्ज गरेको छ । पेट्रोल मूल्य अकासिंदो रहेको बेला यामाहाको रेजेडआर १२५ एफआई स्कुटरको माइलेज प्रतिलिटर ५८ किमी रहेको दाबी गरिएको छ ।

सो दाबी प्रमाणित गर्न ४० जना ग्राहकको सहभागितामा माइलेज च्यालेन्ज भएको हो । पोखराका विभिन्न भाग परिक्रमा गरी उनीहरु हेमजाको रिभर भ्याली रिसोर्ट पुगेका थिए ।
र्‍यालीमा श्यामप्रसाद पोखरेल विजेता बनेका छन् । उनले प्रतिलिटर ७२.७७ किमी पाएका थिए । प्रतिलिटर ७१.७२ किमी हित अर्जुनबहादुर मगर र प्रतिलिटर ७०.८२ किमी जेतिश धोजु क्रमशः दोस्रो र तेस्रो भए ।

यसैबीच, भदौ १९ देखि २४ सम्म पोखरा रंगशालामा यामाहा मेला हुन लागेको भिएडब्लु इन्टरप्राइजेज पोखराका म्यानेजर सुरेन्द्र रेग्मीले जानकारी दिए । मेलामा ग्राहकलाई दसैं स्कीम दिइनेछ ।