ग्रिन डेभलपमेन्ट बैंक दशौं वर्षमा

आदर्श समाज सम्वाददाता
भाद्र १०, २०७९
green

पोखरा । पोखराको सभागृहचोकमा केन्द्रीय कार्यालय रहेको ग्रीन डेभलपमेन्ट बैंक लि. दशौं वर्षमा प्रवेश गरेको छ । बैंकले वार्षिकोत्सव अवसरमा विभिन्न कार्यक्रम आयोजना गरी स्थापना दिवस मनायो ।

बैंकले यस अवसरमा पोखरा २८ स्थित वनपाले सामुदायिक वन उपभोक्ता समुहमा वृक्षारोपण, केन्द्रीय कार्यालयमा रक्तदान र बागलुङको हनुमान नाच संरक्षण परिषद् तथा रंकबैंकटेश्वर मुक्तिनारायण मन्दिरलाई आर्थिक सहयोग गरेको छ ।

रक्तदान कार्यक्रममा ४० पिन्ट रगत संकलन भएको बैंकका कर्जा विभाग प्रमुख संयुक्तबहादुर ध्वाखाले बताए । यस्तै, पोखरा–२८ मा विभिन्न जातका बिरुवा रोपियो । वडाध्यक्ष श्रीकृष्ण लामिछानेको प्रमुख आतित्थयमा भएको कार्यक्रको अध्यक्षता सामुदायिक वनका अध्यक्ष मंगल नेपालीले गरेका थिए ।

यस्तै, बागलुङमा हनुमान् नाच संरक्षण परिषद्लाई ३५ हजार तथा त्यहाँको रंकबैंकटेश्वर मुक्तिनारायण मन्दिरलाई २५ हजार ५ सय सहयोग गरिएको हो । कार्यक्रममा बैंक अध्यक्ष गणेशकुमार श्रेष्ठले बैंकको व्यवसाय वृद्धिसँगै सामाजिक उत्तरदायित्वका कार्य अगाडि बढाएको बताएका थिए । १० वर्षअघि बागलुङमा केन्द्रीय कार्यालय स्थापना गरेको बैंक आज विभिन्न जिल्लामा १६ वटा शाखा कार्यालय विस्तार गरेको र १ सय बढी कर्मचारीलाई रोजगारी दिएको उनले बताए ।

बैंकले वार्षिकोत्सव अवसरमा ५ वर्ष ९ महिनामा दोव्वर हुने मुद्दति योजना तथा १० वर्षमा दोव्वर र मासिक ६ प्रतिशत व्याज समेत प्राप्त हुने मुद्दति योजना सार्वजनिक गरेको छ ।

Related News

सम्बन्धित समाचार

  • सिभिल बैंकको रक्तदान

    आदर्श समाज सम्वाददाता मंसिर १०, २०७९
    पोखरा । पोखरा २७ मा रहेको सिभिल बैंक तालचोक शाखाले १२ औं वार्षिकोत्सवको अवसरमा आयोजित रक्तदानमा ४८ युनिट रगत संकलन…
  • सिद्धार्थ बैंकको कुर्ची सहयोग

    आदर्श समाज सम्वाददाता मंसिर ३, २०७९
    पोखरा । सिद्धार्थ बैंक बुद्धचोक शाखाले पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पताललाई १ लाख ४० हजार बराबरको कुर्ची सहयोग…
  • सिद्धार्थ बैंकद्वारा अस्पतालमा कुर्ची सहयोग

    आदर्श समाज सम्वाददाता कार्तिक ३०, २०७९
    पोखरा ।  सिद्धार्थ बैंक बुद्धचोक शाखा पोखराले पोखरा स्वास्थ्य विज्ञान प्रतिष्ठान अन्तर्गत पश्चिमाञ्चल क्षेत्रीय अस्पताललाई १ लाख ४० हजार बराबरको…
  •  ३६ कम्पनीको १५ अर्ब बराबरको आइपिओ पाइपलाइनमा   

    आदर्श समाज सम्वाददाता कार्तिक २६, २०७९
    काठमाडौं ।  शेयरबजार उतारचढावपूर्ण अवस्थामा छ । बैंक तथा वित्तीय संस्थामा तरलताको अभाव पनि उस्तै छ । निर्वाचनको माहोल चरम…
  • कामना सेवाको सप्ताहव्यापी कार्यक्रम

    आदर्श समाज सम्वाददाता कार्तिक २१, २०७९
    पोखरा । कामना सेवा विकास बैंक लि। पोखरा क्षेत्रले १६ औं वार्षिकोत्सव अवसरमा संस्थागत सामाजिक उत्तरदायित्वअन्तर्गत सप्ताहव्यापी कार्यक्रम गरेको छ…

hero news full width