पोखरा । पोखरेली निर्देशक शिवराजा भूर्तेलले उत्कृष्ट म्युजिक भिडियो निर्देशकको अवार्ड हात पारेका छन् । काठमाडौंमा हालै आयोजित एनइए अवार्ड समारोहमा भूर्तेलले ‘वनमान्छे’ गीतको म्युजिक भिडियोबाट अवार्ड हात पारेका हुन् ।

पोखरामा रहेर छोटो समयमै उत्कृष्ट म्युजिक भिडियो निर्देशन, छांयाकन सम्पादन गर्दै आएका उनले तेस्रो पटक अवार्ड हात पारेका हुन् । उनले यसअघि पनि निर्देशन र छायांकनमा अवार्ड पाएका थिए ।

समारोह पूर्व प्रधानमन्त्री प्रचण्डको प्रमुख आतिथ्यमा भएको थियो ।