पोखरा । पोखरा पर्यटन परिषद् अध्यक्षमा पोमनारायण श्रेष्ठ निर्वाचित भएका छन् । संस्थाको बिहीबार २२ औं वार्षिक साधारण सभा तथा १२ औं अधिवेशनमा अध्यक्षका प्रत्यासी रामचन्द्र शर्मालाई दोब्बर मतअन्तरले पराजित गर्दै श्रेष्ठ अध्यक्षमा निर्वाचित भएका हुन् । चुनावमा निर्वाचित श्रेष्ठले २८ र शर्माले १४ मत पाएका हुन् । १ मत बदर भयो ।
यसअघि उपाध्यक्ष उनी पोखराका पर्यटन सम्बद्ध संघसंस्थाको छाता संस्था परिषद्को नेतृत्वदायी भूमिकामा पुगेका हुन् । उनी ट्राभल एवं अल्ट्रालाइट व्यवसायी हुन् ।
संस्थामा निवर्तमान अध्यक्ष गोपीबहादुर भट्टराई, सदस्यमा तारानाथ पहारी, नीमबहादुर मगर, कृष्ण भण्डारी, जीवनराज सापकोटा, कृष्ण काफ्ले, बोबरजंग गुरुङ छन् । संस्थाको शुक्रबार बस्ने पहिलो बैठकले सदस्यमध्येबाट पदाधिकारी चयन गर्ने सदस्यमा निर्वाचित कृष्ण काफ्लेले जानकारी दिए । ३ सदस्य अध्यक्षले मनोनीत गर्ने व्यवस्था छ ।
यसअघि, साधारणसभा उद्घाटन गर्दै गण्डकी प्रदेशका मुख्यमन्त्री कृष्णचन्द्र नेपाली पोखरेलले गण्डकीको मुख्य पर्यटकीय हवरुपमा पोखरालाई विकास गरिनुपर्ने बताएका थिए । यही हिसाबले पोखरालाई पर्यटनको राजधानी घोषणाका लागि संघीय सरकारसमक्ष अनुरोध गरिएको विषय पनि उनले स्मरण गराए । ‘मनमनमा पोखरा पर्यटकीय राजधानीका रुपमा स्थापित भएपनि यसलाई कानूनी रुप दिन सरकारीस्तरबाट घोषणाको जरुरी छ,’ उनले भने । जग्गा दर्ताक्रममा रजिष्ट्रेशन शुल्क महँगो भयो भन्ने विषयमा बोल्दै मुख्यमन्त्री पोखरेलले सरकार जनचाहनाअनुसार नै अगाडि बढ्ने भन्दै त्यस्तो शुल्क पुनरावलोकनको संकेत गरे ।
प्रदेश सदस्य राजीव पहारीले पोखरामा नयाँ विमानस्थल संचालन पूर्व आबश्यक पूर्वाधारको विकास गरिनुपर्ने भनाइ राखे । उनले पोखरा अब अन्तर्राष्ट्रिय सहरको रुपमा विकास हुन लागेको भन्दै यसलाई यथाशीघ्र पर्यटनको राजधानी घोषणा गरिनुपर्ने बताए । कोभिडका कारण सबैभन्दा प्रताडित पर्यटन क्षेत्र भएको बताउँदै उनले व्यवसायीलाई राहतका कार्यक्रम सरकारले ल्याउनुपर्ने माग पनि गरे । गण्डकी सरकारले ल्याएको पर्यटन ऐन पर्यटनमैत्री हुनुपर्ने भनाइ पनि उनले सो अवसरमा राखे । गण्डकी प्रदेशले हालै लागु गरेको जग्गा रजिष्ट्रेसन शुल्क महँगो भएको भन्दै यसको खारेजीको माग पहारीको थियो ।
परिषद्का संस्थापक अध्यक्ष अशोक पालिखेले कोभिडबाट थलिएका व्यवसायीलाई सरकारले विभिन्न नाममा करमाथि कर थोपरेको भन्दै यस्तो कार्यको अन्त्य हुनुपर्ने माग गरे ।
परिषद् उपाध्यक्ष पोमनारायण श्रेष्ठले विभिन्न ९ बुँदे माग प्रस्तुत गर्दै पोखरामा बन्दै गरेको क्षेत्रीय अन्तर्राष्ट्रिय विमानस्थल संचालन र ल्याण्डफिलसाइटको व्यवस्थापनका विषयमा प्रदेश सरकारको ध्यानाकर्षण गराएका थिए । पोखरा पर्यटन बसपार्कलाई पर्यटन व्यवसायीको पक्षमा व्यवस्थापनको जिम्मेवारी दिनुपर्ने, गण्डकी प्रदेशले यसअघि संचालनमा ल्याएको व्यावसायिक जीवनरक्षा कर्जा र कोभिड १९ को संक्रमणपछि व्यवसायीको पक्षमा भएका राहत कार्यक्रमलाई निरन्तरता दिनुपर्ने र सम्पूर्ण व्यवसायीले उक्त सुविधा प्राप्त गर्ने वातावरण हुनुपर्ने माग पनि श्रेष्ठले सो अवसरमा राखे ।
यसैगरी कृषिमा जस्तै पर्यटनमा पनि कम्तीमा ५ प्रतिशत गाइडेड लोनको सुनिश्चितता गरी हाल बजारमा देखिएको चर्को ब्याजदरलाई तुरुन्त नियन्त्रण गरी एक डिजिटमा ब्याजलाई झारिनुपर्ने माग पनि उनले राखे । त्यस्तै पर्यटकीय गन्तव्यको संरक्षण र प्रवद्र्धन गरिनुका साथै यस क्षेत्रका परिचित पदमार्गको सम्बद्र्धन, हिमाल आरोहणको बजारीकरण, जलयात्राको सुनिश्चिता लगायत ३ हजारभन्दा माथिका मिडिल हिल रेञ्जको व्यावसायिकीकरण जस्ता विषयमा सरकारको ध्यानाकर्षण पनि श्रेष्ठले गराए ।
पर्यटनलाई उद्योगसरहको मान्यता दिइनुपर्ने भन्दै उनले प्रदेश सरकारले जारी गरेको पर्यटन ऐन व्यवसायीको पक्षमा नभएको बताए । श्रेष्ठले व्यवसायीले दिएका सुझाव ऐनमा समेटिनुपर्ने माग पनि गरे । यसैगरी रात्रिकालीन व्यवसायका लागि सुरक्षाको अनुभूति गराई व्यवसाय संचालन गर्ने वातावरण बनाइनुपर्ने, प्याराग्लाइडिङ तथा अल्ट्रालाइटलाई विस्थापन नभई व्यवस्थापन गरिनुपर्ने माग पनि कार्यक्रममा राखिएको थियो । संस्थाका महासचिव रामचन्द्र शर्माले सो अवसरमा प्रतिवेदन प्रस्तुत गर्दै आफ्नो कार्यकालमा भएका काम र चालु आर्थिक वर्षमा सम्पन्न गरिने कामबारे जानकारी गराएका थिए ।
सो अवसरमा नेपाल पत्रकार महासंघ कास्की उपाध्यक्ष जमुना वर्षा शर्मालाई पर्यटन पत्रकारिता पुरस्कारबाट सम्मानित गरिएको थियो । ढोरपाटन राष्ट्रिय दैनिकका समाचार प्रमुख एवं रिपोर्टर्स क्लब कास्कीका अध्यक्ष वासुदेव मिश्रलाई पनि कार्यक्रममा सम्मान प्रदान गरिएको थियो । पत्रकार दीपेन्द्र पहारीद्वारा लिखित एवं परिषद्द्वारा प्रकाशित अंग्रेजी भाषाको पुस्तक ‘हिप्पी टुरिजम’ विमोचन गरियो ।
कार्यक्रममा नेपाल पर्यटन बोर्डका सदस्य मदन आचार्य, कास्कीका प्रमुख जिल्ला अधिकारी जयनारायण आचार्य, पोखरा उद्योग वाणिज्य संघका अध्यक्ष नारायण कोइराला, सम्मानित पत्रकार शर्मा लगायतले भनाइ राखेका थिए । परिषद्का अध्यक्ष एवं कार्यक्रमका सभापति गोपीबहादुर भट्टराईले आफ्नो कार्यकाल सफल बनाउन सघाउने सबैप्रति हार्दिक आभार प्रकट गरे ।
Related News
सम्बन्धित समाचार
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
बन्दीपुरमा अन्तर्राष्ट्रियस्तरको रेष्टुरेन्ट र टुरिष्ट पार्क सञ्चालन
पर्यटनको राजधानी घोषणा वर्ष
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१