राधाकृष्ण गुरुकुल विद्यालयको भवन उद्घाटन

आदर्श समाज सम्वाददाता
भाद्र ३, २०७९
radhakrishna guru

लेखनाथ । पोखरा ३२, लामेआहालस्थित राधाकृष्ण गुरुकुल संस्कृति विद्यालयको नवनिर्मित भवन उद्घाटन गरिएको छ । नवनिर्मित चारकोठे पक्की भवन पोखरा महानगरपालिकाका प्रमुख धनराज आचार्यले बिहीबार एक समारोहबीच उद्घाटन गरेका हुन् ।

उनले देशलाई विकसित बनाउन र अभावलाई सभ्य बनाउन शिक्षाको महत्व रहेकोमा जोड दिए । उनले संस्कृत भाषा एउटा जीवन पद्दति र वाङ्मय भएकाले जीवनलाई चरित्र र मानव जातिको उत्थान र विश्वबन्धुत्वको भावना उजागर गर्दै स्वास्थ्य र शिक्षा सर्वसुलभ हुनुपर्ने बताए । उनले संस्कृत शिक्षा र प्रविधिमैत्री शिक्षामा जोड दिनुपर्ने अहिलेको आवश्यकता औलयए ।

कार्यक्रममा वडाध्यक्ष अक्कलबहादुर कार्की, गुरुकुल विद्यालयका सहअध्यक्ष गणेश खत्री, गोगन माविका अध्यक्ष मेघराज पौडेल, उज्ज्जल आमा समूहकी अध्यक्ष पवित्रा अधिकारी, समाजसेवी खेमराज अधिकारी, विद्यालय छात्र रुपेश हुमागाई लगायतले गुरुकुल संस्कृति शिक्षाको महत्वबारे बोलेका थिए ।

राष्ट्रपति शैक्षिक सुधार कार्यक्रमअन्तर्गत पोखरा महानगरपालिका कार्यालय शिक्षा महाशाखाको आर्थिक तथा प्राविधिक सहयोगमा ३६ लाख रुपैयाँ लागतमा भवन निर्माण गरिएको हो ।

राधाकृष्ण गुरुकुल संस्कृत विद्यालयका अध्यक्ष हरिभक्त सिग्देलको अध्यक्षतामा भएको कार्यक्रममा स्वागत संस्थाका सल्लाहकार माधव वाग्ले र संचालन शिक्षक प्रकाश उपाध्यायले गरेका थिए ।

Related News

सम्बन्धित समाचार

  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…
  • राष्ट्रिय सम्पदाको शुभकामना

    आदर्श समाज सम्वाददाता असाेज ९, २०७९
    पोखरा । राष्ट्रिय सम्पदा तथा जनाधिकार संरक्षण समिति नेपालले शनिबार समसायिक विषयमा छलफलसहित शुभकामना आदानप्रदान गरेको छ । कार्यक्रममा दसैं,…
  • परिवार नियोजनको तालिम

    आदर्श समाज सम्वाददाता असाेज ९, २०७९
    पोखरा । नेपाल परिवार नियोजन संघ कास्कीको आयोजनामा बृहत् यौनिकता शिक्षा र लैंगिक तथा यौनिक अल्पसंख्यकसम्बन्धी तालिम सुरु भएको छ…
  • कस्केली अधिकृत समाजको शुभकामना

    आदर्श समाज सम्वाददाता असाेज ९, २०७९
    पोखरा । कस्केली अधिकृत समाज, कास्कीले विजयादशमी, दीपावली तथा छठलगायत अवसरमा शुभकामना आदानप्रदान गरेको छ । सो अवसरमा मिर्गौला तथा…
  • भिजन सहकारीमा नयाँ कार्यसमिति

    आदर्श समाज सम्वाददाता असाेज ९, २०७९
    पोखरा । भिजन बचत तथा ऋण सहकारी संस्था, पोखरा–१०, अमरसिंहचोकको संचालक समिति अध्यक्षमा श्रीमान् गुरुङ चयन भएका छन् । संस्थाको…

hero news full width