महेन्द्रले हिरक महोत्सव मनाउँदै

आदर्श समाज सम्वाददाता
भाद्र ३, २०७९
shree bhadra

हेमजा । अन्नपूर्ण गाउँपालिका–१, नागडाँडास्थित महेन्द्र आधारभूत विद्यालयले मंसिर २२ देखि २८ सम्म हिरक महोत्सव मनाउने भएको छ ।

जसका लागि विद्यालय व्यवस्थापन समिति अध्यक्ष नरपति दाहालको संयोजकत्वमा १ सय १ सदस्यीय मूल आयोजक समिति गठन गरिएको छ । त्यस्तै, लोकराज भण्डारीको संयोजकत्वमा अर्थ संकलन समिति तथा लगातार २० वर्ष अध्यक्ष भई सेवा गरेका लीलाधर अधिकारीको नेतृत्वमा सल्लाहकार समिति चयन पनि गरिएको छ । महोत्सव प्रचारप्रसारको पहिलो चरणअन्तर्गत अन्नपूर्ण समाज काठमाडौंको व्यवस्थापनमा असार २५मा काठमाडौंमा अन्तरक्रिया भएको छ ।

त्यस्तै, ढिकुरपोखरी समाज पोखराको व्यवस्थापनमा साउन १४ गते पोखरामा तथा साउन २८ मा विद्यालय प्रांगणमा नवनिर्वाचित गाउँपालिका अध्यक्ष विष्णुबहादुर केसीसहित जनप्रतिनिधि तथा अन्य सरोकारवालासँग अअन्तर्क्रिया गरी सुझाव संकलन गरिएको प्रअ ढकराज सुवेदीले जानकारी दिए ।

महोत्सवअन्तर्गत हिरक स्तम्भ निर्माण, विद्यालय मर्मत एवं रंगरोगन, छतको संरक्षणसहित सभाहल निर्माण, फर्निचर खरिद तथा कार्यक्रम स्टेज निर्माण, योगदान दिनेको अभिलेखीकरणसहित सम्मान गर्ने मूल कार्यक्रम छ ।

त्यस्तै भूपू विद्यार्थी, विव्यस तथा शिक्षकबीच पुनर्मिलन, वक्तृत्वकला, निबन्ध, हाजिरीजवाफ, दौड, भजन, ब्याटमिन्टन लगायतका विभिन्न प्रतियोगिता, स्वास्थ्य शिविर, रक्तदान, अभिभावक शिक्षा लगायतका कार्यक्रम गरिने छ । महोत्सव गर्न १ करोड खर्च लाग्ने अनुमान पनि छ । २०१६ मंसिर २८ मा महेन्द्र मिडिल स्कुलबाट सुरुआत उक्त विद्यालयले ६३ औं वसन्त पार गरेको अवसरमा हिरक महोत्सव मनाउन लागेको हो । विद्यालयमा हाल बाल कक्षादेखि ५ सम्म १ सय २७ विद्यार्थी छन् ।

Related News

सम्बन्धित समाचार

  • लेकसिटी कलेजमा कार्निभल

    आदर्श समाज सम्वाददाता असाेज ९, २०७९
    पोखरा । लेकसिटी कलेज एन्ड रिसर्च सेन्टर, पोखराले कलेज परिसरमा शनिबार कार्निभल आयोजना गरेको छ । लेकसिटी कार्निभल नाम दिइएको…
  • रोजगारमूलक शिक्षामा जोड दिनुपर्छ : कुलपति गुरुङ

    आदर्श समाज सम्वाददाता असाेज ९, २०७९
    लेखनाथ । गण्डकी विश्वविद्यालयका कुलपति प्राडा गणेशमान गुरुङले रोजगारमूलक शिक्षामा जोड दिनुपर्ने बताएका छन् । तालचोकस्थित त्रिवेणी इन्टरनेशनल कलेजको शनिबार…
  • कालिकामा परियोजना लेखन कार्यशाला

    आदर्श समाज सम्वाददाता असाेज ९, २०७९
    पोखरा । कालिका बहुमुखी क्याम्पस, पोखराले शनिबार परियोजना लेखनसम्बन्धी कार्यशालाको आयोजना गरेको छ । व्यवस्थापन संकाय स्नातक तह चौंथो वर्षका…
  • हाजिरीजवाफमा बालमन्दिर प्रथम

    आदर्श समाज सम्वाददाता असाेज ८, २०७९
    हेमजा । माछापुच्छ्रे माविको स्वर्ण महोत्सव अवसरमा पूर्व विद्यार्थी मञ्चले शुक्रबार गरेकोे विद्यालयस्तरीय हाजिरीजवाफ प्रतियोगितामा ८ विद्यालयलाई पछि पार्दै बालमन्दिर…
  • विन्ध्यवासिनी माविमा रवीन्द्र

    आदर्श समाज सम्वाददाता असाेज ७, २०७९
    पोखरा । पोखरा २, वरपाटरस्थित विन्ध्यवासिनी मावि विद्यालय व्यवस्थापन समितिको अध्यक्षमा पोखरा २, भीमसेन टोलका समाजसेवी रवीन्द्र बाटाजु सर्वसम्मत चयन…

hero news full width