तीजगीत प्रतियोगिता हुने

आदर्श समाज सम्वाददाता
भाद्र २, २०७९
teej

हेमजा । हेमजास्थित सफल उद्यमशील महिला समूह आयोजनामा तीजगीत प्रतियोगिता हुने भएको छ ।

भदौ १४ र १५ गते हुने उक्त प्रतियोगिताअन्तर्गत ५० टिमको सहभागिता रहने समूहका अध्यक्ष विष्णु बास्तोलाले जानकारी दिइन् ।

‘नारी एक, भूमिका अनेक : उद्यम गरौं उद्यमशील बनौं’ नाराका साथ स्थापित सो समूहले खुला तीजगीत प्रतियोगिता गर्न लागेको हो ।

यस्तै, हास्य तथा विविध सांस्कृतिक प्रस्तुति एवं सम्मान कार्यक्रम पनि हुनेछ । प्रतियोगिता सम्पन्न गर्न विभिन्न उपसमिति गठन पनि गरिएको छ ।

प्रतियोगितामा प्रथम हुने समूहले ५५ हजार ५ सय ५५, द्वितीय समूहले ३३ हजार ३ सय ३३, तृतीय समूहले २२ हजार २ सय २२ तथा सान्त्वनाले ११ हजार १ सय ११ पुरस्कार पाउने छन् ।

उत्कृष्ट नृत्य, भेषभूषा, स्वरलाई ५ हजार ५ सय ५५ साथमा प्रमाणपत्रको व्यवस्था गरिएको कार्यक्रम संयोजक पार्वती बास्तोलाले जानकारी दिइन् । कला, सस्ंकृति संरक्षणमा टेवा पुग्ने अपेक्षा गरिएको उक्त प्रतियोगिता २० हजार दर्शकले अवलोकन गर्ने अनुमान छ ।

Related News

सम्बन्धित समाचार

hero news full width