विन्ध्यवासिनी माविमा विद्यार्थी सम्मान

आदर्श समाज सम्वाददाता
श्रावण ३०, २०७९
Bindhyabasini (4)

पोखरा । हीरक जयन्ती समापन पूर्व सन्ध्यामा विन्ध्यवासिनी माध्यमिक विद्यालय, बाटुलैचारले पूर्व विद्यार्थीको सम्मान गरेको छ ।

आइतबार अयोजित पुनर्मिलन समारोहमा विद्यालयले स्थापनाकालीन विद्यार्थी इन्द्रबहादुर बाँनिया, हेमबहादुर बाँनिया, जीवबहादुर बाँनिया, चतुरमान श्रेष्ठ, लोकबहादुर थापा, क्या. उदयबहादुर भण्डारी, उक्तप्रसाद पौडेल, कृष्णप्रसाद तिमिल्सिना, इ.कोमलप्रसाद तिमिल्सिना, दशरथ गौतम, ज्ञानबहादुर केसी र टेकनाथ काफ्लेलाई सम्मान गरेको हो ।

यस्तै, विद्यालयबाट पहिलो प्रवेशिका परीक्षा–२०२१ मा सम्मिलित नरहरि भट्टराई, बलराज पौडेल, कृष्णमानसिंह भण्डारी, मूलराज तिमिल्सिना, तोयानाथ पौडेल, शालिग्राम अधिकारी, पूर्व विद्यार्थी संघीय संसद सचिवालयका महासचिव डा. भरतराज गौतम, महालेखा परीक्षकको कार्यालयका सचिव एवं नायव महालेखापरीक्षक महेश्वर काफ्ले, विन्ध्यवासिनी माविका संस्थापक प्राचार्य नरहरि भट्टराईसहित विद्यालयलाई देशकै नमुना सामुदायिक विद्यालय बनाउन खटिने ६६ जना शिक्षक–कर्मचारीलाई सामूहिक सम्मान गरिएको हो ।

विद्यालयको हिरक जयन्ती समापन एवं विद्यालयको नवनिर्मित भवन उद्घाटन साउन ३१ मा राष्ट्रपति विद्यादेवी भण्डारीको प्रमुख आतिथ्यतामा हुँदैछ

समारोहमा गण्डकी प्रदेशका भौतिक पूर्वाधार, सहरी विकास तथा यायातात व्यवस्था मन्त्री कुमार खड्का, प्रदेश १ का पूर्व प्रदेश प्रमुख सोमनाथ अधिकारी प्यासी, प्रदेशसभा सदस्य पुष्पा केसी भण्डारी, विद्यालय व्यवस्थापन समिति अध्यक्ष चन्द्रा थापा र विद्यालय प्रधानाध्यापक कृष्णप्रसाद आचार्यले सम्मानपत्रसहित सल ओडाएर सम्मान गरेका थिए ।

कार्यक्रममा विद्यालयमा दश जोड दुई स्थापनाकालीन शिक्षक निर्मल सापकोटा, भोजबहादुर थापा, राजेन्द्रबहादुर देवकोटा, महेन्द्र रिमाल, श्रीधर न्यौपाने र धनेश्वर रखाल सम्मानित भए । त्यस्तै विद्यालय व्यवस्थापन समितिबाट दिइने अध्यक्ष पदक विद्यालयका सहायक प्रअ रामबहादुर बाँनियाले प्राप्त गरे । त्यस्तै २५ वर्ष स्थायी सेवा सम्मानबाट प्रअ कृष्णप्रसाद आचार्य र पार्वती बाँनिया, दीर्घसेवा सम्मानबाट लेखापाल भीमबहादुर गायक र टोपली गायक, १५ वर्षे सेवा सम्मानबाट ईश्वर खड्का, महेन्द्रप्रसाद पौडेल, १० वर्षे सेवा सम्मानबाट सपना रेग्मी र सविता अधिकारी तथा उत्कृष्ट कर्मचारीरुपमा चमेरे गुफामा कार्यरत सरिता थापा कार्की सम्मानित भए ।

विद्यालय व्यवस्थापन समिति अध्यक्ष चन्द्रा थापाको अध्यक्षतामा भएको कार्यक्रममा प्रदेश १ का पूर्व प्रदेश प्रमुख सोमनाथ अधिकारी प्यासी, विद्यालयका सल्लाहकार दानबहादुर बाँनिया, भूपू विन्ध्यवासिनी विद्यार्थी मञ्चका अध्यक्ष हरि बरुवाल, प्रअ आचार्य, विद्यार्थी एलिश अधिकारी लगायतले बोलेका थिए । विद्यार्थीले नेपाली कला र संस्कृति झल्कने नृत्य र नाटक प्रस्तुत गरेका थिए । कार्यक्रम संचालन शिक्षक इन्दु भट्टराईले गरेकी थिइन् । विद्यालयको नवनिर्मित भवन उद्घाटन तथा हीरक जयन्तीको समापन साउन ३१ मा राष्ट्रपति विद्यादेवी भण्डारीको प्रमुख आतिथ्यतामा हुँदैछ ।

Related News

सम्बन्धित समाचार

  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…
  • राष्ट्रिय सम्पदाको शुभकामना

    आदर्श समाज सम्वाददाता असाेज ९, २०७९
    पोखरा । राष्ट्रिय सम्पदा तथा जनाधिकार संरक्षण समिति नेपालले शनिबार समसायिक विषयमा छलफलसहित शुभकामना आदानप्रदान गरेको छ । कार्यक्रममा दसैं,…
  • परिवार नियोजनको तालिम

    आदर्श समाज सम्वाददाता असाेज ९, २०७९
    पोखरा । नेपाल परिवार नियोजन संघ कास्कीको आयोजनामा बृहत् यौनिकता शिक्षा र लैंगिक तथा यौनिक अल्पसंख्यकसम्बन्धी तालिम सुरु भएको छ…
  • कस्केली अधिकृत समाजको शुभकामना

    आदर्श समाज सम्वाददाता असाेज ९, २०७९
    पोखरा । कस्केली अधिकृत समाज, कास्कीले विजयादशमी, दीपावली तथा छठलगायत अवसरमा शुभकामना आदानप्रदान गरेको छ । सो अवसरमा मिर्गौला तथा…
  • भिजन सहकारीमा नयाँ कार्यसमिति

    आदर्श समाज सम्वाददाता असाेज ९, २०७९
    पोखरा । भिजन बचत तथा ऋण सहकारी संस्था, पोखरा–१०, अमरसिंहचोकको संचालक समिति अध्यक्षमा श्रीमान् गुरुङ चयन भएका छन् । संस्थाको…

hero news full width