पोखरा । ‘खेलकुद मन्त्रालयको कामले स्वास्थ्य मन्त्रालयलाई घाटा हुन सक्छ किनभने मैले सुगरका बिरामी नहोलाजस्तो देखेको छु ।’
यो अभिव्यक्ति हो–गण्डकी प्रदेशका युवा तथा खेलकुद मन्त्री राजीव गुरुङको । यतिमात्र हैन मन्त्री गुरुङ अझ महत्वकांक्षी बन्दै भन्छन्, ‘गाउँगाउँमा २ सय ५ ग्राउन्ड मात्र गतसाल बनाएका छौं । यो वर्ष १ सय ५२ वटा कम्प्लिट हुँदैछ ।’
गण्डकी प्रदेश सभामा सांसद बनेर हाजिर भएको झण्डै साढे ३ वर्षपछि मन्त्री राजीव गुरुङ ठिक १ महिनाअघि २०७९ असार २९ मा प्रदेशसभाको रोष्ट्रममा उभिएका थिए । त्यो पनि मन्त्रालयगत छलफलक्रममा कुरा उठेपछि जवाफ दिने सन्दर्भमा । त्यो समयमा उनले आफूले सकेको काम गरिरहेको बताएका थिए । २०७५ माघ १४ गते सपथ ग्रहण गर्दै उनी सांसद बनेका थिए ।
३ पटकसम्म मन्त्री बन्ने शौभाग्य पाएका उनले प्रदेशसभामा बोल्दै गत वर्षमात्र २ सय ५ वटा विभिन्न खेलको मैदान बनाएको जानकारी गराए । यो वर्ष १ सय ५२ वटा सम्पन्न हुँदै गरेको पनि रोष्टमबाटै जनाए । प्रदेशका विभिन्न ११ जिल्लामा बनिरहेका मैदान र कोर्ट आफ्नो कार्यकालको उपलब्धि ठान्छन्-मन्त्री गुरुङ । सोही समयमा उनले आफ्नो कामले स्वास्थ्य मन्त्रालयलाई घाटा हुने व्यङ्ग्य पनि कसे । करिब १६ मिनेटको सम्बोधनमा उनले गुरुङले पटकपटक आफूलाई बजेट हालिदिन भनेर ‘इरिटेट’ गरिएकोसमेत सुनाए । आफ्नै शैलीमा जवाफ दिने र स्पष्ट बोल्ने गरेका मन्त्री मनाङेले आफूले बनाएको बजेट सबै कार्यान्वयन हुने र त्यसको कार्यविधिसमेत निर्माण भइरहेको जानकारी दिएका थिए ।
गत आव २०७८÷०७९ मा ५ करोड फ्रिज हुने भएपछि सांसदहरूले प्रश्न उठाएको हुँदा त्यो रकम सामाजिक विकास मन्त्रालयको रहेका र गलत तरिकाले आफ्नो मन्त्रालयमा ल्याइएको बताए । ‘५ करोड युवा तथा खेलकुदको बजेट होइन । यसलाई गलत तरिकाले ल्याइएको रहेछ । यसरी बुझ्नुपर्छ । २ करोड ५० लाख चाहिं म आफैंले बनाएको बजेट हो । त्यसलाई मैले कसरी लागु गर्ने मलाई थाहा छ,’ उनले अघि भनेका थिए, ‘यसमा ३३ प्रतिशत खेलाडीलाई ३३ प्रतिशत अपाङ्गलाई र ३३ प्रतिशत हामीले युवाहरूलाई सहभागी गराउने भनेर निर्णय गरेका छौं । त्यसको कार्यविधि बनाइरहेका छौैं ।’
यसरी पछिल्लो समय मन्त्री गुरुङ मन्त्रालयको सहयोगमा बनेको मैदान र संरचना उद्घाटनमा लागिपरेका छन् । हालै उनले गृहजिल्ला मनाङको मनाङ ङिस्याङ गाउँपालिका ९ खांसारमा बनेको तिलिचो युवा क्लब आर्चरी मैदानको उद्घाटन गरे । साथै गाउँपालिकाक वडा ५ मा निर्मित मुङ्जी बास्केटबल कोर्टसमेत उद्घाटन गर्न भ्याए ।
वडा ५ भ्राका युथ क्लबले निर्माण गरेको मुङ्जी बास्केटबल कोर्टको लागत २८ लाख छ । प्रदेश सरकारकै सहयोगमा पालिकाको वडा ६ मा पनि अर्को बास्केटबल कोर्ट बनेको स्थानीय विनोद गुरुङले बताए । मनाङबाटै प्रतिनिधित्व गर्ने खेलकुद मन्त्री प्रदेशमा हुँदा खेलकुदका संरचना बनेकोमा उनले खुसी व्यक्त गरे ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१