पोखरा । महँगी, भ्रष्टाचार र राष्ट्रघातको विरुद्ध नेकपा (एमाले) गलकोटले विरोध प्रदर्शन गरेको छ ।
एमाले संयुक्त जनसंगठन समन्वय समिति आयोजनामा ‘अति बढ्यो महँगी र भ्रष्टाचार, जनताको होइन माफियाको सरकार’ मूलनाराका साथ गलकोट नगरपालिकाको केन्द्र हटिया बजारमा विरोध प्रदर्शन गरेको हो ।
विरोधमा एमाले गण्डकी प्रदेश सचिवालय सदस्य बाबुराम नेपालीले पाँचदलीय गठबन्धनले आफ्नो शक्ति र सत्ता जोगाइरहन नेपाली जनताको रगत र पसिनामा खेलिरहेको आरोप लगाए । अहिलेको गठबन्धन भारतीय विस्तारवाद, अमेरिकी साम्राज्यवाद र यूरोपियन युनियनको टपरी चाटेर देश बेच्ने कुचेष्टामा लागेको र देशको सार्वभौम र स्वाभिमान माथि आँच पुर्याइरहेको उल्लेख गरे । नेता नेपालीले देशलाई टुक्रा–टुक्रा पारी छिन्नभिन्न पारेर नेपाली जनतामाथि आहाल खेलिरहेको भन्दै दलाललाई अब खबरदारी गरिरहने र देश जोगाउनको लागि राष्ट्रभक्ति र देशभक्तिहरु एकजुट हुनुपर्नेमा जोड दिए ।
एमाले गण्डकी प्रदेश समिति सदस्य मञ्जु शर्मा चालिसेले सत्तामा बसेर बाँडीचुँडी खान र नातापातालाई पोस्न सेटिङ मार्फत सत्ता गठबन्धन बनेको बताइन् । सपना नदेखी र सपना नदेखाई देश नबन्ने भन्दै महँगी, भ्रष्टाचार र बेथिति र राष्ट्रघातका विरुद्ध नेकपा एमाले सडकमा उत्रेको उल्लेख गरिन् । गलकोट नगरको स्थानीय न्यायपालिका, न्यायिक समितिमा पुरुषवाद हावी रहेको महिलालाई पाखा लगाउने काममा गठबन्धन सरकार तल्लीन रहेको आरोप लगाइन् ।
एमाले गण्डकी प्रदेश सदस्य तिलक उप्रेतीले दक्षिणपन्थी र वामपन्थी शक्ति छुट्टाउनुपर्ने बेला आएको बताएका छन् । उनले राजनीतिक बाटो प्रष्ट हुनुपर्ने बताउँदै नेकपा माओवादी केन्द्र, राष्ट्रिय जनमोर्चा र एकीकृत समाजवादी गठबन्धन नाममा कांग्रेसको लहैलहैमा लागेर अध्याँरो सुरुङ भित्र हाम फालिरहेको बताए ।
एमालेले महँगी, भ्रष्टाचार र राष्ट्रघातको विरुद्ध नारा र जुलुससहित हटिया बजार परिक्रमा गरी जिपपार्कमा आएर कोणसभा गरेको हो । कार्यक्रम एमाले जिल्ला सहसचिव डम्मरबहादुर श्रीसको सञ्चालनमा सम्पन्न भएको थियो ।
Related News
सम्बन्धित समाचार
एमाले कास्कीमा को-को निर्वाचित ? (अन्तिम मतपरिणामसहित)
एमाले कास्कीमा नयाँ नेतृत्वका लागि मतदान
एमाले कास्की अधिवेशन : दुइतिहाइले बुझे मनोनयन फाराम
ओली नआउँदा पोखरेलद्वारा एमाले कास्की अधिवेशन उद्घाटन
एमाले कास्की अधिवेशन आजदेखि : पृथ्वीसुब्बा र खगराजको शक्ति परीक्षण
hero news full width
मुख्य समाचार
वर्षाले हिलाम्मे पोखरा प्रवेशमार्ग
असुरक्षित टहरामा बस्न वाध्य सुरक्षाकर्मी
चैत्र १५, २०८०गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०