फोनिज गण्डकीलाई फुटसल उपाधि

आदर्श समाज सम्वाददाता
श्रावण २६, २०७९
Fonij Futsal Photo 1

पोखरा । नेपाल आदिवासी जनजाति पत्रकार महासंघ (फोनिज) गण्डकी प्रदेशको आयोजनामा बुधबार भएको मैत्रीपूर्ण फुटसल प्रतियोगिताको उपाधि आयोजकले जितेको छ ।

फोनिजको २३ औं स्थापना दिवस अवसरमा फोनिज गण्डकीको आयोजना र कास्की जिल्ला शाखाको सहआयोजनामा भएको पुरुष तथा महिला मैत्रीपुर्ण फुटसलमा दुवै खेलमा फोनिज विजयी भएको हो । पुरुष टिममा फोनिज गण्डकीले नेपाल खेलकुद पत्रकार मञ्च गण्डकीलाई टाइब्रेकरमा ५–४ गोलअन्तर पराजित गरेको हो । महिलातर्फ फोनिज गण्डकीको टिमले कास्कीका पत्रकार महिलाको टिमलाई टाइब्रेकरमै ४–३ गोलअन्तर हराएको हो ।

पुरुषतर्फ निर्धारित समयमा ४–४ गोल भएपछि खेल टाइब्रेकरमा धकेलिएको थियो । निर्धारित समयमा फोनिजतर्फबाट प्रवीण मगरले २ तथा सुशान्त गाहा र सुरज थापाले १/१ गोलको योगदान दिए । यस्तै खेलकुद पत्रकार मञ्चका लागि अनुप पौडेलले २ तथा मन क्षत्री र विजय नेपालीले १/१ गोल गरे ।

महिलातर्फ निर्धारित समयमा फोनिज गण्डकीबाट जूना थापाले पेनाल्टीमार्फत गोल गर्दा पत्रकार महिलातर्फबाट दीपा पौडेलले बराबरी गोल फर्काएको खेल संयोजक सुशान्त गाहामगरले बताए ।

विजेताले सिल्ड, मेडल र प्रमाणपत्र प्राप्त ग¥यो भने उपविजेताले मेडल र प्रमाणपत्र पाए । उनीहरुलाई प्रदेश खेलकुद परिषद गण्डकीका सदस्यसचिव तेजबहादुर गुरुङले पुरस्कार वितरण गरेका थिए । उनले खेलकुद स्वास्थ्यको लागि लाभदायक भएको बताउँदै यसले आपसी भाइचारामा पनि वृद्धि हुने बताए । पत्रकार लेख्नेमात्र होइन स्वस्थ्य हुनु पनि जरुरी रहेको मिडिया कप बेलाबेलामा हुनुपर्नेमा उनको भनाइ थियो । पोखरामा हुने नवौं राष्ट्रिय खेलकुदमा पत्रकारले कलम र आवाजमार्फत साथ दिन उनको आग्रह थियो ।

Related News

सम्बन्धित समाचार

  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…
  • राष्ट्रिय सम्पदाको शुभकामना

    आदर्श समाज सम्वाददाता असाेज ९, २०७९
    पोखरा । राष्ट्रिय सम्पदा तथा जनाधिकार संरक्षण समिति नेपालले शनिबार समसायिक विषयमा छलफलसहित शुभकामना आदानप्रदान गरेको छ । कार्यक्रममा दसैं,…
  • परिवार नियोजनको तालिम

    आदर्श समाज सम्वाददाता असाेज ९, २०७९
    पोखरा । नेपाल परिवार नियोजन संघ कास्कीको आयोजनामा बृहत् यौनिकता शिक्षा र लैंगिक तथा यौनिक अल्पसंख्यकसम्बन्धी तालिम सुरु भएको छ…
  • कस्केली अधिकृत समाजको शुभकामना

    आदर्श समाज सम्वाददाता असाेज ९, २०७९
    पोखरा । कस्केली अधिकृत समाज, कास्कीले विजयादशमी, दीपावली तथा छठलगायत अवसरमा शुभकामना आदानप्रदान गरेको छ । सो अवसरमा मिर्गौला तथा…
  • भिजन सहकारीमा नयाँ कार्यसमिति

    आदर्श समाज सम्वाददाता असाेज ९, २०७९
    पोखरा । भिजन बचत तथा ऋण सहकारी संस्था, पोखरा–१०, अमरसिंहचोकको संचालक समिति अध्यक्षमा श्रीमान् गुरुङ चयन भएका छन् । संस्थाको…

hero news full width