शिव पुराणमा लक्ष्यभन्दा बढी आर्थिक संकलन

आदर्श समाज सम्वाददाता
श्रावण २४, २०७९
Shiva Puran

लेखनाथ । पोखरा २६ सक्नेरीमा सञ्चालित शिवपुराण ज्ञान महायज्ञले लक्ष्यअनुसारको सफलता हात पर्दै सकिएको छ । गत साउन १४ गतेदेखि सुरु भएको महायज्ञ सुरुमा २२ गतसम्म सञ्चालन गर्ने निर्णय गरे पनि पछि १ दिन थप गरिएको हो । महायज्ञ समापनको दिन सोमबार र एकादशीसमेत परेकाले भक्तजनहरुको बाक्लो उपस्थितिमा समापन गरिएको हो ।

११ दिनसम्म चलेको महायज्ञको समापनसम्म आइपुग्दा ७१ लाख २९ हजार ४ सय ३६ रुपैयाँ संकलन भएको छ । सुरुमा आयोजकहरुले आन्तरिक रुपमा करिब ६० लाख संकलन हुने अनुमान गरे पनि समापनसम्म आइपुग्दा लक्ष्यभन्दा बढीको सफलता हात पार्दै महायज्ञ सकिएको आयोजक संस्थाका संयोजक जगन्नाथ तिमिल्सेनाले जानकारी दिएका छन् ।

समापन समारोहमा पोखराका मेयर धनराज आचार्यले धर्मले मानिसलाई अनुशासित र स्वच्छ बनाउने भएकाले बाचुञ्जेलसम्मको जीवनलाई सहज र सामाजिक क्षेत्रमा लगाउनुपर्ने सुझाव राखेका थिए ।

उनले धार्मिक कार्यले समाजमा सकारात्मक सन्देश दिने र मानवीय सभ्यता एवं संस्कृतिको रक्षा गर्दै भावी पुस्तालाई लोक संस्कृतिबारे जानकारी गराउनु नै यस महायज्ञको मुख्य उद्देश्य रहेको बताएका थिए ।

कार्यक्रममा नेकपा एमाले पोखरा २६ का अध्यक्ष रामचन्द्र तिमिल्सेना, नेपाली कांग्रेस पोखरा २६ का सभापति शिवबहादुर रानाभाट, ब्रह्मकुमारी टीका लगायतले सबैको साथ र सहयोगले महायज्ञले लक्ष्यभन्दा बढीको सफलता हात पारेको बताएका थिए ।

आयोजक समितिका संयोजक जगन्नाथ तिमिल्सेनाको अध्यक्षतामा भएको कार्यक्रममा स्वागत मन्तव्य सहसंयोजक सरस्वती गौतम र कार्यक्रम सञ्चालन महासचिव तारा शर्मा ढकालले गरेकी थिइन् ।

शिव पुराण ज्ञान महायज्ञको समापनको दिन सोमबार मात्र ५ लाख ७९ हजार संकलन भएको छ महायज्ञमा बोलकबोल नभई सबै रकम नगद नै उठेको आयोजक संस्थाका महासचिव तारा शर्मा ढकाल बताए ।

शिवपुराण ज्ञान महायज्ञमा दिग्दर्शन वाचन शिरोमणि दीपक सापकोटा र युवा प. रामप्रसाद सिग्देलबाट दैनिक रुपमा संगीतमय प्रवचन हुँदै आएको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width