पोखरा, २३ साउन । प्रदेश खेलकुद परिषद् गण्डकीको नवनिर्वाचित प्रशासनिक भवन सोमबार उद्घाटन गरिएको छ ।
प्रदेशका युवा तथा खेलकुद मन्त्री राजीव गुरुङले पोखरा रंगशालामा निर्मित भवनको शिलालेख अनावरण गरी उद्घाटन गरेका हुन् । प्रदेश सरकारले करिब ९६ लाख रुपैयाँ लागतमा उपभोक्ता समितिमार्फत निर्माण सम्पन्न गरेको हो ।
सो अवसरमा मन्त्री गुरुङले भवन निर्माण्मा सहयोग गर्ने उपभोक्ता समितिका अध्यक्ष हरिबहादुर बरुवाल, भरत आले, बालकुमारी गुरुङ, ओम गुरुङ, विश्व तण्डुुकारलाई खादा लगाएर सम्मान गरेका थिए ।
उनले नवौं राष्ट्रिय खेलकुद प्रतियोगिताको तयारीमा रहेका खेलाडीहरुलाई पौष्टिक आहार समेत वितरण गरेका थिए । नवौंको तयारीका लागि खेलाडीहरुको हौसला बढाउन पौष्टिक आहार वितरण गरिएको र नवौंमा छनोट हुने खेलाडीहरुलाई हाइ अल्टिच्युड तालिमको लागि व्यवस्था गर्ने जनाए ।
यस्तै, मोदी गाउँपालिका अध्यक्ष हिरादेवी शर्मालाई ५ लाख पुरस्कारसहित सम्मान गरेका थिए । गण्डकी प्रदेशबाट युवामैत्री स्थानीय तह प्रोत्साहन कार्यक्रम–२०७८ बाट प्रदेशका ८५ गाउँपालिकामध्ये मोदी उत्कृष्ट हुन सफल भएको हो ।
समारोहमा मोदी गाउँपालिकाका अध्यक्ष शर्मा, मन्त्रालयका सचिव बद्रीनाथ अधिकारी, प्रदेश खेलकुदका उपाध्यक्ष धोजकुमार गुरुङ, मन्त्रालयका महाशाखा प्रमुख घनश्याम पौडेल लगायतले खेलाडीलाई पौष्टिक आहार वितरण गरेका थिए ।
प्रदेश खेलकुद परिषद गण्डकीका सदस्यसचिव तेजबहादुर गुरुङले भवन निर्माणमा सहयोग गर्ने उपभोक्ता समितिलगायत सबैलाई धन्यवाद ज्ञापन गर्दै प्रशासनिक भवनबाट आफ्ना दैनिक कार्यक्रम सुचारु गर्न सहज हुने बताए ।
Related News
सम्बन्धित समाचार
नेपाल पर्यटन बोर्ड पोखरा स्पोर्टस् अवार्डको प्रवर्द्धक
नेपाली टोली जापान प्रस्थान
चाकडी प्रथा अन्त्य जरुरी: खेलकुद मन्त्री श्रेष्ठ
ड्रागन बोट रेसमा वाटर स्पोर्टस् र नारा च्याम्पियन
सिर्जनशील क्लबलाई वडाध्यक्ष कप
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०