सामुदायिकको स्वास्थ्य शिविर

आदर्श समाज सम्वाददाता
श्रावण २२, २०७९
Health camp tarakunjas

पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीले शनिबार निशुल्क स्वास्थ्य शिविर सञ्चालन गरेको छ । शिविरमा २ सय ७० जनाको स्वास्थ्य परीक्षण गरिएको थियो । शिविरमा साधारण र स्त्रीरोग लक्षित चेकजाँच गरिएको सामुदायिक सेवा केन्द्रले जनाएको छ । शिविरलाई कास्की मोडल हस्पिटल, पश्चिमाञ्चल क्षेत्रीय अस्पताल, गण्डकी प्रदेश स्वास्थ्य आपूर्ति महाशाखा र ताराकुञ्ज बोर्डिङले सघाएका थिए ।

पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालका एचओडी डा. लक्ष्मण बास्तोलाले स्वास्थ्यसम्बन्धी प्रशिक्षण दिएका थिए । डाक्टरहरु शैलेश गुरुङ, चुममाया पुन, सृष्टि गुरुङ र राम महत लगायतको टोलीले स्वास्थ्य परीक्षण गरेको थियो ।

गण्डकी प्रदेशका प्रहरी प्रमुख प्रहरी नायव महानिरीक्षक रामदत्त जोशीले उद्घाटन शिविर उद्घाटन गरेका थिए । उनले शान्ति र विकासलाई सँगसँगै लैजान सकेमात्र देश अगाडि बढ्न सक्ने बताए । जनता र प्रहरी सहकार्य गर्दै समाजका विकृतिको अन्त्य गर्ने सोचअनुरुप सामुदायिक प्रहरीको अवधारणा आएको उनले स्पष्ट पारे ।

पोखरा १३ का अध्यक्ष किरण बरालले वडाबाट सञ्चालित स्वास्थ्य सेवाबाट लाभ लिन वडावासीसँग आग्रह गर्दै नागरिकसँग सहकार्य गर्दै वडाले विकास निर्माणका काम अगाडि बढाउने बताए । आयोजक संस्थाकी अध्यक्ष एवं कार्यक्रमकी सभापति मीरादेवी आचार्यले धनसम्पत्ति भन्दा स्वास्थ्य नै ठूलो भन्दै नियमिति स्वास्थ्य जाँच गरेर थुप्रै रोगबाट बाँच्न सकिने बताइन् ।

आयोजक संस्थाका संस्थापक अध्यक्ष मायादेवी तझ्याले समाजको विकृति र विसंगतिविरुद्ध संस्थाले काम गर्दै आएको उल्लेख गरिन् । ताराकुञ्ज सेकेन्डरी स्कुलका प्रिन्सिपल गोविन्द गौतमले स्वास्थ्य शिविरमा नेपाल प्रहरी जस्तो गर्विलो संस्थासँग सहकार्य गर्न पाउनु गर्वको कुरा भएको बताए ।

शिविर उद्घाटन सत्रमा कास्कीका प्रहरी प्रमुख प्रहरी उपरीक्षक अजय केसी र मोडल हस्पिटलका अध्यक्ष जगन गुरुङलगायत सहभागी थिए ।

कार्यक्रम संयोजक बाबुराम सापकोटाले उपस्थित सबैलाई धन्यवाद ज्ञापन गरे । आयोजक संस्थाका कोषाध्यक्ष किरण सिग्देलले स्वागत र संस्थाका सहसचिव शिवप्रसाद बरालले कार्यक्रम सञ्चालन गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width