हेमजा गोल्डकपबाट १० लाख बचत

आदर्श समाज सम्वाददाता
श्रावण २१, २०७९
hemja united photo

हेमजा । छैटौं नेपाल आइस अन्तर्राष्ट्रिय हेमजा गोल्डकपमा १० लाख बचत भएको छ । आयोजक हेमजा युनाइटेडले शुक्रबार सार्वजनिक सुनुवाइ गर्दै त्यस्तो जानकारी दिएको हो ।

प्रतियोगितामा कुल ५८ लाख ९८ हजार ७ सय ६९ आम्दानी भएकोमा १० लाख ७३ हजार ३ सय ५१ बचत गर्न सफल भएको युनाइटेडका अध्यक्ष इन्द्रबहादुर कुँवरले जानकारी दिए ।

कार्यक्रममा पोखरा २५, हेमजाका वडाध्यक्ष मोतीलाल तिम्सिनाले फुटबल गौरवको खेल भएको बताउँदै प्रतियोगिता सफल बनाएकोमा युनाइटेडलाई धन्यवाद दिए । उनले आगामी दिनमा पनि प्रतियोगिता आयोजना गर्नुपर्ने उल्लेख गर्दै वडाबाट सक्दो सहयोग रहने बताए ।

अर्थ संकलन उपसमिति संयोजक जगतबहादुर थापाले प्रतियोगिता सम्पन्न गर्नु चुनौतीपूर्ण रहेको औंल्याए । सहारा क्लबका कोषाध्यक्ष नवराज अधिकारीले आयोजकको सम्मानप्रति धन्यवाद प्रकट गर्दै सक्दो सहयोग निरन्तर गरिरहने प्रतिबद्धता जनाए ।

त्यस अवसरमा युनाइटेड अध्यक्ष कुँवरले लियो क्लब अफ हेमजाका अध्यक्ष निराजन अधिकारीलाई सर्भिस ज्याकेट हस्तान्तरण गरे । त्यस्तै सहारा क्लब कोषाध्यक्ष अधिकारी र युनाइटेड सचिव सुनील गायकलाई सम्मान पनि गरियो भने खेल मैदान निर्माणको आयव्यय सार्वजनिक गरिएको थियो ।

युनाइटेडका अध्यक्ष कुँवरको अध्यक्षतामा भएको कार्यक्रममा उपाध्यक्ष राजेश त्रिपाठीले स्वागत तथा सचिव सुनील गायकले सञ्चालन गरे । कुल ८ टिमको सहभागिता रहेको प्रतियोगिताको उपाधि एभिनियर फुटबल क्लबले जितेको थियो । त्यस्तै आयोजक समूह दोस्रो भएको थियो । विजेतालाई ६ लाख तथा उपविजेतालाई ३ लाख साथमा ट्रफी, मेडल र प्रमाणपत्र पुरस्कार प्रदान गरिएको थियोे ।

Related News

सम्बन्धित समाचार

  • तेक्वान्दोको प्रशिक्षण भवन शिलान्यास

    आदर्श समाज सम्वाददाता असाेज ९, २०७९
    पोखरा । कास्की जिल्ला तेक्वान्दो संघले सुविधासम्पन्न प्रशिक्षण भवन निर्माण गर्ने भएको छ । पोखरा रंगशालाभित्र बन्ने भवनको राष्ट्रिय खेलकुद…
  • माउन्ट एभरेष्ट अन्तर्राष्ट्रिय तेक्वान्दो सुरु

    आदर्श समाज सम्वाददाता असाेज ७, २०७९
    पोखरा । पोखरामा बिहीबारदेखि ‘तेस्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट एभरेष्ट अन्तर्राष्ट्रिय…
  • खेलकुद पत्रकारिता तालिम

    आदर्श समाज सम्वाददाता असाेज ६, २०७९
    पोखरा । नवौं राष्ट्रिय खेलकुद प्रतियोगिता लक्षित गरी आयोजित प्रदेशस्तरीय खेलकुद पत्रकारिता तालिम बुधबार सकिएको छ । राखेपको आयोजना र…
  • मादीमा बास्केटबल सम्पन्न

    आदर्श समाज सम्वाददाता असाेज ६, २०७९
    पोखरा । राष्ट्रिय युवा संघ नेपाल मादी गाउँपालिका २, वडा कमिटीद्वारा बास्केटबल प्रतियोगिता सम्पन्न भएको छ । पोखराको बाँझापाटनस्थित सत्य…
  • अन्तर्राष्ट्रिय तेक्वान्दोमा १४ सय खेलाडी

    आदर्श समाज सम्वाददाता असाेज ६, २०७९
    पोखरा । पोखरामा बिहीबारदेखि सुरु हुने ‘तेश्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट…

hero news full width