ड्रागन फल्दा किसानमा हर्ष

भवानी अधिकारी
श्रावण २१, २०७९
Dragon fruits (2)

स्याङ्जा । कालीगण्डकी गाउँपालिकामा ड्रागन फ्रुटले फल दिन थालेको छ । आर्थिक वर्ष २०७६÷०७७ देखि सुरु गरेको नमुना ड्रागन फ्रुट बगैंचामा राम्रो उत्पादन दिने देखिएको हो ।

पालिकाले झन्डै ४ वर्षअघि परीक्षणरुपमा करिब २५ रोपनीमा ड्रागन खेती गरेर यसको सुरुआत गरेको होे । त्यसबेला रौतहटबाट ड्रागनका बिरुवा ल्याएर यहाँ खेती बिस्तार गरिएको थियो । पालिकाले स्थानीयका जमिन १५ वर्षका लागि लिजमा लिएर खेती सुरु गरेको हो । यहाँका किसानलाई आयआर्जनमा जोड्ने उद्देश्यले पालिकाले ड्रागन खेती सुरु गरेको अध्यक्ष खिमबहादुर थापाले जानकारी दिए ।

‘पालिकाका जग्गाजमिन बाँझा रहेपछि जग्गाको सदुपयोगसँगै ड्रागन खेती गर्ने सोच बनाएँ,’ अध्यक्ष थापाले भने, ‘ड्रागनसँगै सयपत्री फूललाई व्यावसायिकरण गर्नुछ । पालिकामा ड्रागन खेती राम्रो हुने देखियो ।’ खेतीका लागि संघीय सरकार र पालिकाको गरी झण्डै ९० लाख रुपैंया खर्च भएको पालिकाले जनाएको छ । अघिल्लो आव ०७६/७७ र २०७७/०७८ मा संघ सरकारले सशर्त अनुदानअन्तर्गत बजेट बिनियोजन गरेको थियो । यहाँ पालिकाको पनि केही आर्थिक सहयोग रहेको जनाइएको छ ।

कालीगण्डकी वडा ४ बिर्घामा २४ रोपनी र वडा ५ जैपतेमा करिब १ रोपनीमा ड्रागन फ्रुट लगाइएको छ । यहाँका बिरुवाले गत वर्षदेखि केही फल दिन थालेकोमा यस वर्ष भने राम्रो उत्पादन भएको कृषि अधिकृत अनुप पौडेलले जानकारी दिए । उनका अनुसार १ हजार ६ सय वटा पिलरमा ४८ सय ड्रागन फु्रट रोपिएका छन् ।

पालिकाले २ जना कामदार कर्मचारी राखेर नियमित खेतीको स्याहार सुसार गर्दै आएको छ । उनीहरु नियमित सोही जग्गामा खटिएका हुन्छन् । पालिकामा ड्रागन खेती हुने देखिएपछि यस वर्ष यहाँका स्थानीय किसानले समेत ड्रागन खेती थालेका छन् । अहिले २० जना किसानले खेती गरेका छन् । पालिकाले बिरुवाका लागि ५० प्रतिशत र पिलर निर्माणमा लागि सतप्रतिशत अनुदानको व्यवस्था गरेको छ ।

लहरा जाने र अड्याउन बलियो आधार (खाँबो) चाहिने हुँदा पालिकाले घर निर्माणका लागि बनाइने सिमेन्ट, बालुवा, गिटी मिलाएर पिल्लर नै तयार पारेको छ । सोही पिल्लरमाथि गाडीका टायर राखेपछि ड्रागन लहरा भै माथि पुगेर फल्ने गर्छ ।

२० जना किसानले १ सय ५ बिरुवा ३५ वटा पिलरमा र ४० वटा बिरुवा १ सय २० वटा पिलरमा रोपेका छन् । उनीहरुका लागि सूचनामार्फत खेती गर्न चाहने किसानलाई आव्हान गरिएको थियो । सो आधारमा किसानका जग्गा अनुगमन गरेर अनुदान उपलब्ध गराएको पालिकाले जनाएको छ ।

यहाँ उत्पादिन फ्रुट स्थानीय बजारमा खपत भएका छन् । अन्य बजारमा भन्दा केही सस्तोमा उपलब्ध गराउँदै आइएको छ । पालिकाले प्रतिगोटा सय रुपैयाँ दरले बिक्री गर्ने गरेको छ । पालिकामै बिरुवा उत्पादन हुँदै आएको छ ।

ड्रागन फ्रुट सिउँडी प्रजातिको फल हो । यो गर्मी, सुख्खा हावापानीमा र पानी नजम्ने ठाउँमा राम्रो उत्पादन हुन्छ । राम्रो मलखाद र संरक्षण भएमा रोपेको २ वर्षमै फल दिन्छ । यसमा मिनरल र भिटामिन प्रशस्त पाइने बताइएको छ । स्वादमा गुलियो र अमिलो हुन्छ । प्रतिकेजी १ हजारभन्दा बढी मूल्य पर्ने र एउटै फल २ सय ग्रामदेखि १ केजीसम्मका हुन्छन् ।

Related News

सम्बन्धित समाचार

  • पर्यटन दिवसमा लेकसाइडमा मिनी सडक महोत्सव

    आदर्श समाज सम्वाददाता असाेज ९, २०७९
    पोखरा। रेष्टुरेण्ट एण्ड बार एशोसिएसन नेपाल (रेवान) पोखराको आयोजनामा यही असोज ११ गते पोखराको लेकसाइडमा मिनि सडक महोत्सव २०७९ आयोजना…
  • गण्डकी सरकारले घटायो करका दर, २ अध्यादेश पारित

    आदर्श समाज सम्वाददाता असाेज ८, २०७९
    पाेखरा । गण्डकी प्रदेश सरकारले नागरिकको आवाज सम्बोधन गर्दै करका दरमा पुनावलोकन गर्ने लगायत ३ महत्वपूर्ण निर्णय गरेको छ । असोज…
  • महानगरमा मेरा ५ वर्ष

    शंकर बास्तोला असाेज ८, २०७९
    विल्कुल नयाँ संरचनामा स्थानीय तहको पहिलो निर्वाचन हुँदै थियो । २०५९ पछि रिक्त स्थानीय निकाय सरकारका रुपमा २०७४ मा ब्युँतियो…
  • नागरिकताका लागि संघर्ष

    धनबहादुर गुरुङ असाेज ८, २०७९
    पोखरा । नेपालका यौनिक तथा लैंगिक अल्पसंख्यक समुदाय (पारलैंगिक) मध्ये ‘अन्य’ लैंगिक पहिचानबाट १ सय ८३ जनाले नागरिकता लिइसकेका छन्…
  • पहिलोपल्ट पम्प सिस्टममा बिजुली

    आदर्श समाज सम्वाददाता असाेज ७, २०७९
    पोखरा । नेपालमै पहिलो पटक पम्पिङ प्रणालीबाट विद्युत उत्पादन पोखरामा गरिने भएको छ । पम्पबाट पानी तानेर इन्टेकमा स्टोर गर्ने…

hero news full width