आचार्य बालकृष्णको जन्मदिनमा रक्तदान

आदर्श समाज सम्वाददाता
श्रावण २०, २०७९
blood

वालिङ । विश्वविख्यात आयुर्वेद शिरोमणि बालकृष्णजी महाराजको जन्मदिनमा वालिङमा रक्तदान कार्यक्रम भएको छ । कार्यक्रममा ५८ प्वाइन्ट रगत संकलन भयो ।

पतञ्जलि योग समिति स्याङ्जाले उनको ५० औं जन्मोत्सवमा सो कार्यक्रम गरेको पतञ्जलि योग समिति स्याङ्जाकी महिला प्रभारी तथा कार्यक्रम संयोजक कविता भुसालले बताइन् ।

‘महाराज स्याङ्जा वालिङकै हुनुभएकाले पनि उहाँको जन्मभूमिमा पतञ्जलि योग समितिमार्फत वर्षेनी जन्मोत्सव मनाउँदै आएका छौं,’ संयोजक भुसालले भनिन्, ‘५० औं जन्मोत्सवका अवसरमा आज वालिङमा बृहत् रक्तदान तथा वृक्षरोपण गरेका हौं ।’

जिल्ला रेडक्रस सोसाइटी अध्यक्ष दिनेश अर्यालले संकलित रगतलाई रक्त सञ्चार केन्द्र स्याङ्जामा लगेर समूह छुट्टयाएर राखिने र जुन समूहको रगतको माग हुन्छ सोही समूहलाई मिल्ने रगत निशुल्क बिरामीलाई उपलब्ध गराइने बताए ।

‘पछिल्लो समय जिल्ला अस्पताल स्याङ्जा र वालिङ सामुदायिक डायलासिस सेन्टरमा मिर्गौलाका बिरामीको नियमित डायलासिस हुने गरेकाले रगतको माग बढ्दै गएको छ,’ उनले भने, ‘यहाँ संकलन भएको रगत जिल्ला अस्पतालमा मिर्गौलाको डायलासिसका बिरामी तथा सुत्केरी महिलाहरुलाई र वालिङमा डायलासिसका बिरामीलाई निशुल्क उपलब्ध गराउँदै आएका छौं ।’

स्याङ्जाभित्र मासिकरुपमा ५० पिन्ट रगतको माग हुने गरेको छ । रगत लिएको ३५ दिनभित्रमा उक्त रगत प्रयोग गरी सक्ने पर्ने भएकाले जिल्लामा खपत भएर बाँकी रहेको रगत रक्त सञ्चार केन्द्र कास्की पठाउने गरिएको उनले बताए ।

रक्तदान तथा वृक्षरोपण कार्यक्रममा वालिङ नगर प्रमुख कृष्ण खाँण, उपप्रमुख कविता तिवारी गैह्रे, इलाका प्रशासन कार्यालय वालिङका प्रमुख घनश्याम गौतम, पतञ्जलि योग समिति स्याङ्जाका अध्यक्ष नारायणप्रसाद तिवारी, कार्यक्रम संयोजक कविता भुसाल, गिरमान गुरुङ लगायतले शुभकामना मन्तब्य ब्यक्त गरेका थिए ।

बालकृष्ण महाराजको जन्म वालिङ ६ भरुवामा भएको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width