हेमजा । नेकपा (माओवादी केन्द्र) केन्द्रीय सदस्य तथा गण्डकी प्रदेश सरकारका अर्थमन्त्री रामजीप्रसाद बराल (जीवन) ले नेपालमा दलित अधिकार स्थापित गर्ने एकमात्र पार्टी माओवादी केन्द्र भएको दाबी गरेका छन् ।
वडा कमिटी पोखरा २५, हेमजाको आयोजनामा बुधबार भएको पार्टी प्रवेश कार्यक्रमलाई सम्बोधन गर्दै केन्द्रीय सदस्य तथा मन्त्री बरालले त्यस्तो दाबी गरेका हुन् ।
उनले दलित अधिकार, संघीयता, धर्मनिरपेक्षता, समानुपातिक समावेशीताजस्ता मुद्दा माओवादी आन्दोलनबाट स्थापित भएको भन्दै त्यसको रक्षाका लागि सबै माओवादी एकजुट हुनुपर्नेमा जोड दिए ।
हाल देश माओवादीको एजेन्डामा चलिरहेको भन्दै मन्त्री बरालले जनतालाई अधिकार दिने पार्टी माओवादी भएको उल्लेख गरे । आफ्नो पार्टीमा पनि कतिपय गल्ती कमजोरी भएको स्वीकार गर्दै मन्त्री बरालले वर्गीय चेष्टालाई भने ख्याल गरिरहनुपर्ने औंल्याए ।
उक्त कार्यक्रममा पार्टीका प्रदेश सदस्यद्वय भोजराज पौडेल र भीम विक, पोखरा महानगर कमिटी अध्यक्ष हरिनारायण गिरी लगायतले पनि बोलेका थिए । उनीहरुले माओवादी आन्दोलन जनजीविकासँग जोडिरहनुपर्नेमा जोड दिए ।
सो अवसरमा धवलागिरी कास्की दलित सम्पर्क समाजका संस्थापक अध्यक्ष रणबहादुर श्रीपालीसहित कांग्रेस, एमाले परित्याग गरी दर्जनौं व्यक्ति माओवादीमा प्रवेश गरे । वडा कमिटी अध्यक्ष महादेव अधिकारीको अध्यक्षतामा भएको कार्यक्रम कमिटी सचिव विष्णु बास्तोलाले सञ्चालन गरेका थिए ।
Related News
सम्बन्धित समाचार
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
भुलभुला देवीमा ट्रस्ट भवन उद्घाटन
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१