पोखरा । ग्लोबल टेक्नोलोजी लिडर शाओमीले रेड्मी १०ए नेपाली बजारमा सार्वजनिक गरेको छ । किफायती मूल्यमा रेड्मी १० सिरिजको पछिल्लो नवीनतम उपकरण रेड्मी १०ए प्रयोगकर्ताको उत्पादकता बढाउन समर्पित रहेको जनाइएको छ ।

शाओमी नेपालका कन्ट्री जेनेरल म्यानेजर अमितकुमार पंडाले भने, ‘टेक्नोलोजीको सन्दर्भमा शाओमीले आफ्नो सिमा फराकिलो पार्दै स्मार्टफोनको विस्तृत दायराको साथ औद्योगिक बेन्चमार्कहरू पार गरेको छ । ग्राहकको रेडमी प्रतिको विश्वासले हामीलाई नवीनताको सन्दर्भमा उच्च मापदण्ड स्थापित गरि रेडमी सिरिजलाई देशमा सबैभन्दा बढी बिक्री हुने स्मार्टफोन सिरिज बनाएको छ ।’ उनका अनुसार क्यामेरा, उच्च रिजोल्युसन डिस्प्ले, उच्च कार्य सम्पादन र पावर–प्याक ब्याट्रीको सुधारको साथ रेड्मी १०ए उपयोगी छ ।

रेड्मी १०एको ठूलो ६.५३ इन्च एचडीप्लस डिस्प्लेले भिडियो तथा मनपर्ने कन्टेन्ट हेर्न सहज छ । अन्य इन्ट्री–लेभल स्मार्टफोनको तुलनामा यसमा थ्रिडी कभर्ड ब्याकले प्रयोगकर्तालाई सहज अनुभव प्रदान गर्दछ । साथै यसमा पछाडिको फिंगरप्रिन्ट सेन्सरले यसलाई पहिलेभन्दा अझ सुरक्षित बनाउने कम्पनीको दाबी छ । यसमा १३ एपि मेन क्यामेरा र २एमपि देप्थ क्यामेरा सेन्सर छ ।

रेड्मी १०ए मा पावर अपको लागि मेडियाटेक हेलियो जि२५ प्रोेसेसर जडित छ । यसमा लामो समयसम्म चल्ने ५ हजार एमएएच ब्याट्री जडित छ । रेड्मी १०ए बजारमा ग्रेफाइट ग्रे, क्रोम सिल्भर र स्काई ब्लू गरी ३ रंगमा उपलब्ध रहेको छ । यो फोन २जिबी प्लस ३२ जिबी र ३जिबी प्लस ६४ जिबि स्टोेरेज भेरियन्टमा उपलब्ध । जसको मूल्य क्रमशः १३ हजार ९ सय ९९ र १५ हजार ९ सय ९९ रहेको छ ।