पोखरा । सामुदायिक सेवा केन्द्र तथा सामुदायिक प्रहरी सेवा पृथ्वीचोक पोखरा र सामुदायिक जाल्पा लघुवित्तको आयोजनामा राइनस नगरपालिका ५ तीनपिप्लेमा निशुल्क आँखा शिविर भएको छ । हिमालय अस्पताल पोखराको प्राविधिक सहयोग र लमजुङ सम्पर्क समिति पोखराको आर्थिक सहयोगमा शिविर सञ्चालन गरिएको हो । कार्यक्रममा गण्डकी प्रदेश सरकारका स्वास्थ्य तथा जनसंख्या मन्त्री मधु अधिकारीले शिविर उद्घाटन गरिन् ।
शिविरमा लमजुङ जिल्ला राइनास नगरपालिका र मध्यविन्दु नगरपालिका लगायतका स्थानीयको आँखाजाँच गरी स्वास्थ्य परामर्श, आवश्यकताअनुसार औषधी र चश्मा समेत वितरण गरिएको थियो । शिविरमा लगभग १ हजार ५ सय बिरामीहरुलाई सेवा प्रदान गरिएको थियो ।
शिविरमा आँखा जाँच गराएकामध्ये ५६ जनाको मोतिबिन्दु शल्यक्रिया गर्नुपर्ने देखिएकोमा हिमालय आँखा अस्पतालको सहकार्यमा सामुदयिक सेवा केन्द्र तथा प्रहरी सेवा पृथ्वीचोक र जाल्पा सामुदायिक लघुवित्तले आवश्यक उपचार खर्च समेत व्यवस्थापन गर्ने बताइएको छ ।
कार्यक्रममा शिशु विद्याश्रम माविका प्रधानाध्यापक नानुमाया पराजुली, हिमालय आँखा अस्पताल पोखरा व्यवस्थापन समितिका पूर्व अध्यक्ष प्राडा दिलबहादुर क्षेत्री, जाल्पा सामुदायिक लद्युवित्तका नायव प्रमुख कार्यकारी अधिकृत अशोक आचार्य, राइनास नगरपालिका ५ का अध्यक्ष शंखबहादुर सार्की, राइनास नगरपालिकाका प्रमुख प्रशासकीय अधिकृत गोकर्णरज सुयल, राइनास नगरपालिकाका उपप्रमुख पुष्प खनाललगायतले बोलेका थिए ।
सामुदायिक सेवा केन्द्र तथा प्रहरी सेवा पृथ्वीचोक पोखराका अध्यक्ष धर्मदत्त आचार्यको अध्यक्षतामा शिविर सञ्चालन गरिएको थियो । कार्यक्रम संयोजन संस्थाका कोषाध्यक्ष तीर्थ शर्मा ढकालले गरेका थिए भने सञ्चालन संस्थाका सचिव उत्तम जोशीले गरेका थिए ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१