गुरुङ फिल्म ‘एउटा चित्र’

आदर्श समाज सम्वाददाता
श्रावण १८, २०७९
film euta chitra

पोखरा । फिल्म ‘एउटा चित्र’ को सोमबार फस्ट लुक र टिजर सार्वजनिक भएको छ ।

चलचित्र पत्रकार संघ कास्कीले आयोजना गरेको पत्रकार सम्मेलनमा ओम चित्र इन्टरटेन्मेन्टको ब्यानरमा निर्मित फिल्मको टिजर सार्वजनिक गर्दै लेखक तथा निर्देशक विवेक गुरुङले ‘एउटा चित्र’ सस्पेन्स चलचित्र भएको उल्लेख गरे । उनका भने, ‘एउटा चित्र सस्पेन्स मूमि हो । बनिरहेका गुरुङ चलचित्रभन्दा केही फरक बनाएका छौं । पुरानो धारभन्दा फरक पाउनुहुनेछ ।’

४० लाख लगानीमा बनेको चलचित्रमा नवीन गुरुङ, ओम गुरुङ, उर्मिला गुरुङ, अन्जु गुरुङको मुख्य अभिनय छ । यस्तै, सुशन गुरुङ, कुशल गुरुङ, आशीष गुरुङ र एसटी पुन लगायतले समेत अभिनयमा साथ दिएका छन् ।

अभिनेता नवीन गुरुङले आफू एक चित्रकारको भूमिकामा देखिएको बताए । चलचित्रको कथा फरक भएकाले आफू अनुबन्धित भएको भनाइ उनको छ ।

अभिनेत्री उर्मिला गुरुङ चलचित्रमा एक विवाहित महिलाको भूमिका देखिएकी छिन् । यसअघि ५ वटा गुरुङ चलचित्रमा अभिनय गरिसकेकी उर्मिला पहिलो पटक विवाहित महिलाको भूमिकामा देखिएकी हुन् ।

चलचित्र पत्रकार संघ कास्की अध्यक्ष अरुण गिरीले गुरुङ चलचित्रको इतिहासमा नयाँ थालनी भएको बताए । उनले गुरुङ चलचित्रलाई प्राविधिक रुपमा समेत माथि उठाउन आवश्यक रहेको बताए ।

चलचित्रको छायांकन तथा सम्पादन निकोलस गुरुङको हो । संगीत मविन्द्र राई, विकास चौधरीले भरेका हुन् । फिल्म पोखरा, बारपाक, माम्चेडाँडा, इलाम ठाउँमा छायांकन भएको हो ।

Related News

सम्बन्धित समाचार

hero news full width