पोखरा, १५ साउन । पोखरा युनाइटेड एकेडेमीले सौन्दर्यशास्त्र र फेसन डिजाइनको पढाइ सुरु गर्ने भएको छ । पोखरा– १२ भद्रकाली मार्गमा रहेको एकेडेमीले यसै शैक्षिक सत्रदेखि कक्षा ११ मा ती विषयको पढाइ सुरु गर्न लागेको आइतबार आयोजित पत्रकार सम्मेलनमा जानकारी दिइयो ।
आजको आवश्यकता, शिक्षा सीप, आत्मनिर्भरताका लागि १ विद्यार्थी १ प्राविधिक विषय भन्ने नारासहित कक्षा ११ र १२ मा नयाँ विषयको पढाई अगाडि बढाउन लागेको एकेडेमीका निर्देशक कृष्णप्रसाद सापकोटाले जानकारी दिए । सीपमूलक र व्यावहारिक शिक्षालाई ख्याल गर्दै ती विषयको पढाइ सुरु हुन लागेको उनले बताए ।
विगत १५ वर्षदेखि सञ्चालित एकेडेमीले कक्षा ११ र १२ मा विज्ञान, व्यवस्थापन र होटल व्यवस्थापनको पढाई सञ्चालन गर्दै आएको छ । नेपाल सरकारको पाठ्यक्रम २०७६ ले व्यावसायिक विषयलाई उच्च प्राथमिकता दिए अनुसार आधुनिक समयको माग र आवश्यकता महसुस गरी विद्यार्थी स्वरोजगार बन्न सक्ने विषयलाई प्राथमिकता दिँदै पढाइ सुरु गर्न लागिएको एकेडेमीले जनाएको छ । पढ्नका लागि विद्यार्थीले विद्यालयको नियमित फि र भर्ना शुल्क तिरे हुने तर व्यावहारिक अभ्यासकार्यका लागि भने ४५ हजार रुपैयाँ हाराहारी वार्षिक अतिरिक्त शुल्क लाग्ने जनाइएको छ ।
नेपाल सरकारको १ व्यक्ति १ रोजगार कार्यक्रमलाई ध्यान दिँदै स्वदेशमा नै व्यवसाय सञ्चालन गरी स्वरोजगार बन्न सकिने तथा विदेशमा पनि सजिलै रोजगारी प्राप्त गर्न सकिने हिसाबले फेसन डिजाइन र सौन्दर्यशास्त्रको महत्व भएको कार्यक्रममा चर्चा गरिएको थियो ।
कार्यक्रममा सौन्दर्यकर्मीद्वय कमला श्रेष्ठ र मीना गुरुङ, फेसन डिजाइनर विशाल गुरुङ, विद्यालयका प्राचार्य बयानबहादुर गोदार, एकेडेमीको म्यानेजमेन्टतर्फका संयोजक राजकुमार कार्कीले भनाइ राखेका थिए । कार्यक्रमको सञ्चालन डिल्लीराम तिवारीले गरेका थिए ।
Related News
सम्बन्धित समाचार
‘वन्यजन्तु संरक्षणमार्फत पर्यापर्यटन बढाऔं’
कन्या क्याम्पसमा प्राध्यापकको बिदाइ
पोखरा बहुमुखी क्याम्पसको क्यालेन्डर विमोचन
पोखरामा गणित समाजको कार्यशाला
लेकसिटी कलेजमा स्वागत र बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१