पोखरा घोषणापत्रसहित मेयर सम्मेलन सकियो

आदर्श समाज सम्वाददाता
श्रावण १४, २०७९
296678072_151167837512834_4095901224735219615_n

पोखरा १४, साउन । पोखरामा आयोजित दुईदिने ‘मेट्रो मेयर मिट’ पोखरा घोषणापत्र जारी गर्दै सकिएको छ । देशका ६ महानगरका मेयर, उपमेयर सहभागी सम्मेलनमा महानगर सञ्चालनका अड्चन र समाधानका उपायबारे छलफल भएको पोखरामा मेयर धनराज आचार्यले बताए ।

उनका अनुसार मेयर उपमेयरबीच अनुभव आदानप्रदानसँगै संघीयतापछि स्थानीय सरकारले खेल्नुपर्ने भूमिका लगायतबारे छलफल भएको छ । पोखरा घोषणापत्रका बुँदाहरु मस्यौदाका रुपमा तयार भएकोले आइतबार बिहानमात्र पत्रकार सम्मेलन गरी सार्वजनिक गरिने छ । आयोजकले पत्रकारलाई सम्मेलन प्रवेशमा रोक लगाएको थियो ।

यसैबीच, सम्मेलनले पोखराका मेयर धनराज आचार्यको अध्यक्षतामा समिति गठन गरेको छ भने आगामी सम्मेलन भरतपुरमा हुने तय भएको छ । ललितपुरमा हुने भनिएको सम्मेलन भरतपुरले माग गरेपछि सारिएको हो । पोखराका मेयर आचार्यले भरतपुरकी मेयर रेणु दाहाललाई मेट्रो मेयर मिटको झण्डा हस्तान्तरण गरेका छन् ।

पहिलो पल्ट भएको यसखालको सम्मेलनमा देशभरका ६ महानगरका मेयर, उपमेयर र सम्बन्धित महानगरका प्रमुख कार्यकारी अधिकृतको उपस्थिति थियो ।

यसैबीच, महानगरका मेयरहरुले पोखराको अन्नपूर्ण केवलकार अवलोकन गरेका छन् । पोखरा महानगरका मेयर धनराज आचार्यको नेतृत्वमा काठमाडौंका मेयर शाह सहित ६ महानगरका मेयर, उपमेयर तथा प्रमुख प्रशासकिय अधिकृतहरुले समेत उक्त केवलकार अवलोकन गरेको अन्नपूर्ण केवलकार प्रालिले जनाएको छ ।

उक्त केवलकारमा पोखराका मेयर आचार्य सहित काठमाण्डौंका मेयर वालेन शाह, बिराटनगरका मेयर नागेश कोइराला, भरतपुरका मेयर रेणु दाहाल, ललितपुरका मेयर चिरिबाबु महर्जन र वीरगञ्ज महानगरपालिकाका मेयर राजेशमान सिंहले अवलोकन गरेका थिए । हालै निर्माण भएको अन्नपूर्ण केवलकार व्यावसायिकरुपमा गत फागुन ६ गते देखि संचालनमा आएको हो ।

मेयरहरुलाई तल्लो स्टेसन हुदै केवलकारबाट सयर गराउदै माथिल्लो स्टेसनसम्म पुराइएको प्रालिका जनरल म्यानेजर दिनेश पौडेलले बताए ।

माथिल्लो स्टेसनमा पोखरा १८ का स्थानीयले मेयरहरुको टोलीलाई पन्चे बाजागाजा सहित स्वागत गरेका थिए । यस्तै, उनीहरुले सराङकोट शिव मन्दिर भ्यु टावर परिसरमा ११ प्रजातिका लालीगुराँसका बिरुवा सारेका छन् ।

पोखरा आसपासका अग्ला डाँडाहरूमा लालीगुराँस रोप्ने र खालि जग्गामा सौन्दर्यकरण गर्ने उद्देश्यका साथ देशभरका महानगर प्रमुख, उपप्रमुख, प्रमुख प्रशासकीय अधिकृत र विज्ञहरूको सहभागितामा शनिवार सराङकोटमा लालीगुराँसका बिरुवाहरू सारिएको हो ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width