२० औं आहारारा गोल्डकपमा आयोजकलाई साढे १२ लाख घाटा

आदर्श समाज सम्वाददाता
श्रावण १४, २०७९
296258916_782168589640820_7600678669713014749_n

पोखरा, १४ साउन । २० औं आहारारा गोल्डकप फुटबल प्रतियोगिता–२०७८ मा आयोजकले साढे १२ लाख रुपैयाँ घाटा व्यहोरेको जनाएको छ । कोरोना महामारी बाबजुद आयोजक सहारा क्लब पोखराले दर्शकबिनै सेमिफाइनलसम्म खेल खेलाएको थियो ।

शनिबार आयव्यय सार्वजनिक गर्दै प्रतियोगितामा १२ लाख ६२ हजार रुपैयाँ नोक्सानी भएको अर्थ संकलन उपसमितिका संयोजक सुनील गुरुङले जानकारी दिए । यद्यपि, साढे १२ लाख घाटा भएकोमा क्लबका विदेशमा रहेका शाखा संस्थाहरु सहारा क्लब हङकङले ५ लाख, युकेले ३ लाख र अष्टे«लियाले १ लाख सहयोग गरेका थिए । जसबाट नोक्सानीको केही क्षतिपूर्ति हुँदा घाटा रकम ३ लाखमा झरेको गुरुङले पत्रकार सम्मेलनमा जानकारी दिए ।

यसरी पोखरा रंगशालामा गत वर्ष माघ ६ देखि १५ सम्म भएको प्रतियोगितामा कुल ६६ लाख ४१ हजार आम्दानी भएकोमा ६९ लाख ८९ हजार रुपैयाँ खर्च हुन गएको छ । १० टिमले भाग लिएको प्रतियोगिताको उपाधि विभागीय क्लब एपिएफले जित्दा मनाङ मस्र्याङ्दी उपविजेतामा सीमित भएको थियो । प्रतियोगिताको विजेताले १० लाख र उपविजेताले ५ लाख रुपैयाँ प्राप्त गरेका थिए ।

फुटबलमार्फत सामाजिक कार्यमा क्रियाशील क्लबले यस वर्ष पनि प्रतियोगितालाई निरन्तरता दिने क्लब अध्यक्ष हरिराम गुरुङले बताए । क्लबले पोखरा १७ दोबिल्लामा सहारा एकेडेमी संचालन गरी अति विपन्न तथा कठिन परिस्थितिका बालकलाई आवासीय सुविधासहित फुटबल सिकाउँदै आएको छ ।

Related News

सम्बन्धित समाचार

  • खर्कमा पर्यटक चहलपहल

    धनबहादुर गुरुङ चैत्र १४, २०७९
    पोखरा । भैँसी र भेडा चर्ने खुमैडाँडाको खर्कमा पर्यटक चहलपहल देख्दा मिर्सा गाउँका सूर्यबहादुर गुरुङ निकै खुसी छन् । भैँसी…
  • कार्यकारी अधिकार खोज्दै समन्वय समिति

    आदर्श समाज सम्वाददाता चैत्र १४, २०७९
    पोखरा । केही समयअघि देशैभरका जिसस प्रमुख र उपप्रमुख भेला भएर पोखराबाट एकै स्वरमा भने, ‘यही हालतबाट जिसस चलाउनुभन्दा खारेज…
  • बुटवल पावर कम्पनीको प्रस्तावित मूल्यको विरोध

    आदर्श समाज सम्वाददाता चैत्र १३, २०७९
    स्याङ्जा । बुटवल पावर कम्पनी (बिपिसी) द्वारा स्याङ्जामा उत्पादित एवं वितरित विद्युत् महसुलमा दोब्बर वृद्धि गरेको सूचना सार्वजनिक भएपछि स्याङ्जाका…
  • पोखरा वन क्याम्पसको स्ववियुमा अखिल गठवन्धन विजयी

    आदर्श समाज सम्वाददाता चैत्र १३, २०७९
    पोखरा । वन विज्ञान अध्ययन संस्थान, मातहतको वन क्याम्पस पोखरामा भएको स्वतन्त्र विद्यार्थी युनियन (स्ववियु) चुनावमा अनेरास्ववियु र अखिल क्रान्तिकारीको…
  • म्याग्दीमा भीरबाट लडेर र ढुंगाले लागेर २ जनाको मृत्यु   

    आदर्श समाज सम्वाददाता चैत्र १३, २०७९
    म्याग्दी ।  म्याग्दीको धवलागिरि गाउँपालिकामा भएको छुट्टाछुट्टै घटनामा दुई जनाको मृत्यु भएको छ । धवलागिरि गाउँपालिका–६ मराङको नामरुकमा भिरबाट लडेर…

hero news full width